web counter
LEXO PA REKLAMA!

SHKARKO APP

App Store
Google Play

E fundit!

x

Fier, kufizim qarkullimi per mjetet e renda gjate sezonit veror

3 Korrik 2015, 13:24, Sociale CNA

Normaliteti i lëvizjeve gjatë sezonit veror, kufizon qarkullimin e mjeteve të rënda në Fier dhe kryesisht në aksin nacional në këtë qark, deri në fund të muajit shtator. Ky kufizim vjen në zbatim të udhëzimit të përbashkët midis Ministrisë së Transportit dhe Infrastrukturës dhe Ministrisë se Punëve të Brendshme, të gushtit të vitit 2014, mbi kufizimet në qarkullimin e mjeteve të rënda për transportin rrugor të mallrave. Duke filluar prej datës 4 korrik çdo fundjavë deri në datën 30 shtator do të ketë kufizime për mjetet e rënda nga ora 09:00 deri në orën 16:00 për ditën e shtunë dhe nga ora 12:00 deri në orën 24:00 për ditën e diel. Përjashtim nga ky kufizim do të bëjnë automjetet e shoqërimit, automjetet e Forcave të Armatosura, automjetet për mirëmbajtjen e rrugëve, instalimet elektrike dhe mjetet për shpërndarjen e postës dhe gazetave, mjetet që i përkasin radios dhe televizionit, cisternave që transportojnë ujë të pijshëm, kamionë që transportojnë ushqime që prishen, të tilla si mish i freskët, qumësht të papërpunuar dhe produkte të qumështit të freskët, peshk të freskët dhe prodhimet e detit, fruta dhe perime që prishen si dhe kamionë që transportojnë shpendë dhe bagëti të gjallë. Policia e Fierit thotë se do merren masa për të zbatuar me rigorozitet kërkesat e këtij udhëzimi me qëllim forcimin e sigurisë rrugore dhe sigurimin e një rrjedhshmërie të trafikut rrugor për të gjithë përdoruesit e rrugës. Në vijim u bëhet thirrje subjekteve që ushtrojnë aktivitet në fushën e transportit rrugor të mallrave me mjete të rënda, të zbatojnë kërkesat e udhëzimit përkatës në zbatim të planit të masave të mara nga Drejtoria e Policisë së qarkut Fier për sezonin turistik veror 2015.





Lajmet e fundit nga