web counter
LEXO PA REKLAMA!

SHKARKO APP

App Store
Google Play

E fundit!

x

KMSH kundër përdorimit të emrit të saj për efekt elektoral

15 Qershor 2015, 13:28, Sociale CNA

Në prag të zgjedhjeve të 21 qershorit, Komuniteti Mysliman u ka përcjellë të gjithë qytetarëve një mesazh për rëndësinë e votës, duke porositur punonjësit e këtij institucioni që të rijnë jashtë fushatës elektorale, ndërsa qytetarët të përdorin votën me vullnet të lirë.

 

“Komuniteti Mysliman i Shqipërisë, duke vlerësuar rëndësinë e ushtrimit të votës së lirë, si një e drejtë kushtetuese e çdo qytetari, i bën thirrje besimtarëve myslimanë dhe mbarë qytetarëve shqiptarë që ta përmbushin këtë detyrim në qetësi qytetare dhe në respekt të plotë të normave më të bukura që ne trashëgojmë.

 

Komuniteti Mysliman i Shqipërisë në përmbushje të funksionit të tij institucional ndaj besimtarëve dhe qytetarëve të këtij vendi, shpreh paanshmërinë ndaj spektrit politik, si dhe distancohet ndaj çdokujt që përdor emrin e KMSH dhe tenton të flasë në emër të fesë për efekte elektorale.

 

Ne inkurajojmë të gjithë besimtarët të shprehin të drejtën e tyre ligjore përmes votës së lire, sikurse ata individualisht e gjykojnë të arsyeshme, për të dhënë kështu kontributin për qytetin e tyre”, bëhet me dije në një deklaratë për mediat





Lajmet e fundit nga