web counter
LEXO PA REKLAMA!

SHKARKO APP

App Store
Google Play

Ish të përndjekurit, qeveria fut 2 kategori të reja në skemën e dëmshpërblimit

12 Qershor 2015, 06:43, Sociale CNA

Qeveria ka zgjeruar rrethin e ish-të përndjekurve politikë dhe të familjeve të tyre që do të dëmshpërblehen. Në skemën e përfitimeve janë futur dhe dy kategori të reja, ku bëjnë pjesë 407 persona.

Në kategorinë e parë futen ata persona që janë dënuar me burgim gjatë regjimit komunist.   Në të bëjnë pjesë 170 persona dhe shuma totale që ata do të përfitojnë është 424,322,744 lekë. Ndërsa në kategorinë e dytë bëjnë pjesë ata persona që janë dënuar me burgim kapital apo janë ekzekutuar për motive politike pa gjyq. Në këtë kategori bëjnë pjesë 237 ish-të dënuar politikë dhe shuma totale e dëmshpërblimit që do të jepet për familjet e tyre është 1,159,804,290 lekë. Vendimi u miratua ditën e mërkurë nga qeveria, pas propozimit të bërë nga Ministria e Drejtësisë.

?Në mbështetje të nenit 100 të Kushtetutës dhe të neneve 9 e 10, të ligjit nr. 9831, datë 12.11.2007, ?për dëmshpërblimin e ish-të dënuarve politikë të regjimit komunist?, të ndryshuar, me propozimin e ministrit të drejtësisë, Këshilli i Ministrave, vendosi: Miratimin e dëmshpërblimit financiar për ish-të dënuarit politikë dhe për familjarët e të dënuarve me dënim kapital apo ekzekutim pa gjyq, për motive politike, sipas listave A, ?Dënim me burg?, dhe B, ?Dënim kapital + vrasje pa gjyq?, thuhet në vendimin e qeverisë.





Lajmet e fundit nga