web counter
LEXO PA REKLAMA!

SHKARKO APP

App Store
Google Play

E fundit!

x

Legalizime falas për ndërtimet deri në qershor 2014

13 Qershor 2015, 06:21, Sociale CNA

Ndryshimet e miratuara nga Parlamenti në ligjin e legalizimeve, pritet t?i japin një impuls të ri këtij procesi. Kreu i ALUIZNI-t, Artan Lame, u ka bërë thirrje dje qytetarëve që kanë ndërtuar në truall me pronar apo në truall shtet, të bëjnë vetdeklarimin për legalizimin e banesave. ?Të gjithë këto 50 mijë familje të përfshirë në proçesin e legalizimeve, edhe për ta gjithë proçesi është falas.

U bëj thirrje të gjithë qytetarëve që kanë ndërtuar në truall me pronar apo në truall shtet midis datave janar 2009- qershor 2014 të paraqiten me qetësi në sportelet tona për të bërë vetëdeklarimin nëse nuk e kanë bërë?, ka pohuar Lame. Edhe pse parlamenti nuk ka votuar amnistinë për legalizimet pas 2009, kreu i ALIUZNI-t deklaroi se miratimi është çështje ditësh dhe nuk do jetë pengesë. ?Është çështje besoj i javës tjetër apo i javëve në vijim, për t?u tejkaluar sepse është absurde të legalizojmë banesën por nga ana tjetër të dënojmë qytetarin për shkeljen që ka bërë.

Këto familje njësoj si gjithë qytetarët e tjerë, do përfitojnë nga procesi falas. Ata që kanë ndërtuar në truall me pronarë deri në qershor 2014 të paraqiten të bëjnë vetëdeklarimin nëse nuk e kanë bërë dhe më pas të presin që të vijohet me procesin e matjeve?, tha ai. Nga këto ndryshime ligjore pritet të legalizohen rreth 50 mijë objekte të ndërtuara nga 15 janari 2009 deri në qershor të 2014. Po ashtu, Lame tha se nuk do të ketë asnjë lloj kamate dhe fature shtesë për ata që nuk paguajnë në kohë. Lame ka sqaruar edhe problemin e legalizimeve. ?Problemet e ndërtimeve nisin pas vitit 2009, sepse është bërë një ndryshim në atë kohë në Kodin Penal që ndërtimet pas këtij viti i quan vepër penale. Kështu që këto ndërtime nuk përfshihen në procesin e legalizimeve?, ka pohuar ai.





Lajmet e fundit nga