web counter
LEXO PA REKLAMA!

SHKARKO APP

App Store
Google Play

E fundit!

x

Ja kur do të nisë hapja e dosjeve dhe si do të zbulohen spiunët e Sigurimit

15 Korrik 2015, 07:37, Sociale CNA

Procesi i hapjes së dosjeve të ish-Sigurimit të Shtetit pritet të nisë vetëm në muajin dhjetor. Sipas burimeve të gazetës ?Sot? në Ministrinë e Çështjeve Sociale, ky proces do të kërkojë kohë dhe vetëm në fund të vitit mund të nisë puna, ndërsa në vjeshtë do të fillojë procesi për grumbullimin e dokumenteve. Vetëm në javët e para të dhjetorit, mësohet se Autoriteti i Hapjes së Dosjeve do të marrë jetë dhe të gjitha kategoritë e interesuara mund të kërkojnë marrjen e të dhënave. Ndonëse ligji është miratuar që në muajin mars, procesi i hapjes së dosjeve do të nisë pas 5 muajsh, dhe kjo për faktin sepse vetë në ligj janë përcaktuar një sërë afatesh për ngritjen e strukturave.

Vetëm në fillim të kësaj jave u bë një muaj nga hyrja në fuqi e tij dhe pritet që të nisë puna për ngritjen e Autoritetit që do të bëjë zbulimin e spiunëve. Më pas në vjeshtë institucionet që zotërojnë materiale të ish-Sigurimit duhet t?i dorëzojnë ato pranë këtij Autoriteti. Institucioni i parë që do të bëjë një veprim të tillë është Rrjeti Arkivor, i cili do të japë informacionet që do të kërkohen nga vetë komisioni me pesë anëtarë. Më pas do të jetë Ministria e Brendshme, Ministria e Mbrojtjes dhe Shërbimi Informativ Shtetëror, ata që do të dorëzojnë pranë Autoritetit të gjithë arkivin e dokumenteve të ish-sigurimit.





Lajmet e fundit nga