Masat per sezonin turistik, Policia keshilla per perdorimin e rrugeve

10 Korrik 2015, 14:51, Sociale CNA

Drejtoria e Policisë Tiranë, ka marrë një sërë masash për sezonin turistik veror. Masat e marra kanë nisur që nga data 15 maj dhe do vijojnë deri në 30 shtator, për garantimin e rendit dhe të sigurisë publike duke qënë sezon turistik, pasi shumë zona që përfshihen në qarkun e Tiranës kanë dëndësim të trafikut dhe numri i lartë i pushuesve të cilët udhëtojnë me mjete rritet. Për këtë arsye Policia ka marrë disa masa për mbarëvajtjen e mjeteve dhe shmangien e fluksit të udhëtarëve që dalin jashtë Rrethit. Segmentet rrugoret rrugore me fluks të madh lëvizje : Rruga Interubane (autostrada) Tiranë ? Vorë ? Durrës, nga ora 07.00 deri në orë 10.00, dhe mbasdite nga ora 19.00 ? 22.00. Ndërsa në qytetin e Tiranës, rrugët me trafik të rënduar janë ?Rruga e Durrësit?, sheshi ?Karl Topia?, rrethrrotullimi i Sheshi ?Shqiponja?; ?Rruga Kavajës? deri në Kombinat, sheshi ?Kemal Atatur?, Ura e Teknollogjike, Ura ?Vail Shanto? etj. Për të shmangur bllokimet e mundshme të trafikut, sugjerohen drejtuesit e mjeteve për lëvizjen nga Tirana për në Durrës dhe anasjelltas të përdorin aksin rrugor Tiranë- Ndroq- Plepa. Ndërsa drejtuesit e mjeteve që vijnë nga zonat e veriut për në Tiranë dhe anasjelltas të përdorin për lëvizjen e tyre drejtimin e rrugës Tiranë- Kamëz- Fushë Krujë. Gjithashtu edhe gjatë lëvizjes në drejtim të zonave të banimit, ose industriale që shtrihen në autostradën Tiranë- Vorë, të përdorin rrugët dytësore që funksionojnë në krah të kësaj autostrade. Gjithashtu ju kërkohet drejtuesve të mjeteve të rënda të zbatojnë disa rregulla: ditët e festave (orari i kufizimit nga ora 14.00 e ditës para festës deri në orën 24.00 dhe nga ora 12 e ditës së festës deri në orën 24.00 të po asaj dite), ditë të tjera të veçanta, që u shtohen ditëve të festave, ditë të tjera që mund të paraprijnë ose të pasojnë ditët e tilla, ngjarje apo gara sportive si dhe çdo ngjarje tjetër që mund të ndikojë në rrjedhshmërinë e qarkullimit rrugor. Ndalohet qarkullimi në rrugët publike i mjeteve ose kombinimit të mjeteve në fundjavë nga ora 09.00 deri në orën 14.00 të ditës së shtunë dhe nga ora 12.00 deri në orën 24.00 të ditës së diel për mjetet e transportit te mallrave me peshë të përgjithshme të autorizuar mbi 7500 kg, me ngarkesë të pandashme, me gjatësi maksimale më të madhe se 12 m, mjetet rrugore apo bujqësore që kanë shpejtësi më të vogël se 40 km/h, mjetet bujqësore dhe teknologjike që kalojnë përmasat kufitare sipas nenit 61 të Kodit Rrugor, për kursantët e autoshkollave mësimore. Përjashtohen nga këto kufizime të lëvizjes automjetete shoqërimit; automjetet e Forcave të Armatosura; automjetet për mirëmbajtjen e rrugëve, instalimet elektrike, mjetet e shpërndarjes së postës dhe gazeta; mjetet që i përkasin radio televizionitl cisternave që transportojnë ujë të pishëm; mjetet që transportojnë materiale ose paisje për përdorim në situata të jashtëzokonshme; kamionë që transportojnë ushqime që prishen si mish, fruta etj., kamionë që transportojnë shpendë dhe bagëti të gjallë. Automjetet e tjera lejohen vetëm në rastet kur për shkak të kohës dhe rrethanave vonest mund të sjellin dëmë të kosiderueshme materiale. Shërbimet e policisë së kryeqytetit kërkojnë mirëkuptimin e të gjithë drejtuesve të mjeteve të rënda për zbatimin rigoroz të këtyre rregullave. Në rast të kundërt do të merren masa administrative për drejtuesit që shkelin kërkesat e këtij udhëzimi. Për çdo problem që ka lidhje me sigurinë e rendit dhe të qetësisë publike , si dhe në fushën e qarkullimit rrugor, telefononi në numrat e policisë pa pagesë 129 dhe 126.