web counter
LEXO PA REKLAMA!

SHKARKO APP

App Store
Google Play

Ushtarakët të pakënaqur me qeverinë

19 Korrik 2015, 06:16, Sociale CNA

Ushtarakët ndihen të tradh tuar nga kryeministri Edi Rama për aktin e famshëm normativ të qeverisë ?Berisha? që u ndalon një pjesë të pensionit të përmuajshëm për ish-ushtarakët. Kryetari i Shoqatës së Ushtarakëve Rezervistë, Thoma Konduri deklaroi për gazetën ?Sot? se para zgjedhjeve të 2013 përfaqësues të kësaj shtrese kanë patur disa takime me kryeministrin për këtë problem dhe ai ka premtuar se shfuqizimi i këtij akti do të ishte vendim i parë pas ardhjes në pushtet. Por, siç u shpreh Konduri, kjo ende nuk ka ndodhur. ?

Para zgjedhjeve të 2013 ne kemi patur disa takime me kryeministrin Rama dhe ai na premtoi se me ardhjen në pushtet ky do të ishte akti i parë që do të ndryshohej. Por edhe sot që flasim, akti është në fuqi, madje nuk ka është kthyer asnjë përgjigje për ankesat tona të vazhdueshme. Kjo është lufta jonë kryesore. Ne jemi prerë në besë nga kryetari i Partisë Socialiste dhe kryeministri. Ai nuk ka mbajtur premtimet?, tha kreu i Shoqatës së Ushtarakëve në Rezervë. Sipas Kondurit ky Akt Normativ që është hedhur poshtë me vendim gjykate të formës së prerë, nuk zbatohet nga ISSH. ?Një specialist i sigurimeve shoqërore mund të hidh poshtë fare kollaj një vendim të gjykatës së formës së prerë sepse kanë një argument ligjor?, tha Konduri.

 





Lajmet e fundit nga