web counter
LEXO PA REKLAMA!

SHKARKO APP

App Store
Google Play

E fundit!

x

Rama i premton Topit nënkryetarin dhe tre njësi, lë jashtë Idrizin

4 Korrik 2015, 06:19, Aktualitet CNA

Vendin e kureshtjes së madhe për rezultatin në zgjedhjet e 21 Qershorit po e zënë ethet për ndarjen e posteve në qeverisjen vendore. Pas festës së fitoreve dhe urimeve formale, në koalicionin e Aleancës për Shqipërinë Evropiane, kanë nisur pretendimet e para për postet dhe benefite, në bazë të rezultatit të zgjedhjeve. Këto zgjedhje konfirmuan Partinë Socialiste si subjektin më të madh në vend, Lëvizjen Socialiste partinë e dytë më të madhe në koalicionin fitues si dhe PDIU-në e çamëve partinë e tretë më të madhe brenda aleancës.

Por, pretendimet e para për poste në pushtetin vendor i ka shfaqur dhe prezantuar Fryma e Re Demokratike, e drejtuar nga Bamir Topi, ku në zgjedhjet e 21 Qershorit mori rreth 30 mijë vota, aq sa mori edhe në zgjedhjet e 2013, në testimin e saj të parë si parti. Sipas burimeve, Bamir Topit, edhe pse ka marrë vetëm 30 mijë vota, i është shtuar oreksi sa i takon ndarjes së pushtetit. Mësohet se Topi i ka kërkuar kryeministrit Edi Rama postin e nënkryetarit të Bashkisë së Tiranës dhe drejtimin e tre njësive bashkiake. Edhe pse Partia Socialiste nuk ka finalizuar ende një marrëveshje për ndarjen e posteve me partinë kryesore në koalicion, Lëvizjen Socialiste për Integrim, FRD ka kërkuar një nënkryetar bashkie dhe tre njësi bashkiake. Sipas burimeve, ditët e fundit ka pasur një takim me kryeministrit Edi Rama dhe kreut të FRD, Bamir Topit, ku duhet të kenë diskutuar edhe rolin e Frymës së Re Demokratike në administrimin e pushtetit të fituar në zgjedhjet e 21 Qershorit./ Gazeta ‘Sot’





Lajmet e fundit nga