E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

PD, një udhkryq që do reformë

3 Korrik 2015, 09:38, Aktualitet CNA

Partia Demokratike po kalon një moment të vështirë për shkak të rezultatit në zgjedhjet lokale. Një rezultat që nuk ishte i pritshmi jo vetëm për opozitën por edhe për opinionin publik. Kjo e dyta për faktin se qeveria gjatë këtyre 18 muajve, kishte marë disa reforma që mund të quheshin ?antipopullore?, por që në fakt nuk i dhanë asnjë kosto mazhorancës.

Kur pranojmë se kishte reforma të forta që mund të conin ujë tek burimi i opozitës, më pas rezultoi se nuk ishte kështu, del tek një përfundim se vërtet opozita nuk mundi ta kryejë dot misionin e saj elektoral. Katastrofa e saj është në very, ne jug, kudo.

Për të qenë të vërtetë atje ku ka fituar e djathta në jug të vendit janë zona ku ka pasur përcarje brenda së majtës dhe janë thelbësisht ?aksidente? elektorale. Kjo për faktin se vota politike i ka siguruar kësaj mazhorance edhe aty ku kane fituar kandidat e PD, jo pak por 80% të votave në Këshilla.

PD nga vjen dhe ku shkon?

PD vjen nga një goditje në zgjedhjet e 23 qershorit 2013, më pas nga një tjetër përplasje që ndoshta ka dhënë pasoja edhe në këto zgjedhje, sic ishte gara për kreun e ri të PD-së. Gara Basha ? Olldashi ishte totalisht e pavërtetë dhe rezultati ishte ai që shkroi me dorë Sali Berisha dhe për këtë askush nuk mund të ketë më diskutim.

Më pas erdhen zgjedhjet në strukturat e bazës dhe në rrethe. Edhe këtu ka pasur akuza, kontestime e mjaft probleme, në disa degë deri në përcarje që u reflektua në këtë fushatë.

Në të dy rastet edhe zgjedhja e kryetarit edhe zgjedhjet në bazë kanë krijuar përcarje të cilat nuk u mbyllët dot në zgjedhjet lokale, dhe duket se janë një plagë e hapur ende.

Vijmë nga dy gara të forta në bazë që kanë lënë pasoja deri diku të pashërueshme për trupen elektorale të opozitës. Më tej erdhi një kuvend i vonuar disi, erdhi edhe zgjedhja e strukturave drejtuese në qëendër, që në fakt ishin totalisht legjitime, por ishin gjithashtu edhe të pavlera dhe aspak ajo që prisnin qytetarët dhe baza e PD-së. Rezultati i zgjedhjeve e tha shumë qartë këtë.

Ndoshta dikujt nuk i pëlqen një përsonazh politik, apo një tjetër figurë, por në PD pati zgjedhje të gabuara drejtuesish, që opinionit publik i dhanë një leksion shumë negativ. Në rast se do krahasojmë figurat e reja në sekretariate, diplomacinë e PD e drejtonte ne opozitë Besnik Mustafaj, integrimin Majlinda Bregu gjatë qeverisjes, tani në PD është Kreshnik Coillaku, një emër që nuk thotë asgje. Hyr e dil në PD, sa hërë e tërheq Genc Pollo zvarë. Organizimin e drejtonte Ilir Bano, Fatos Beja, Gjergj Lezhja që nuk pushonin ditë dhe natë, që kishin autoritet apsolut në struktura, dhe sot ka ngelur në dorën e Enno Bozdos dhe Florian Xhutit, një më skëterë se tjetri, njëri më i paaftë se tjetri. Këto zgjedhje për PD ishin një corganizim i organizuar.

Më tej tek burimet njërëzore vendoset një dembel dhe humbës klasik, që më shumë sesa punë në PD, mund të bëjë raportim tek Edi Rama. Nën kryetar partie nga një figurë bashkuese apo imazh intelektual kalibri që pritej, vendoset Edmond Spaho, ky i fundit në Durrës rezultoi se është i gatshëm për pension politik. Nuk ecet më në PD duke bërë skuthin e mashtruesin. Nënkryetari i PD nuk mund të jetë një njeri që tashmë ka nevoje të dalë në lulishte dhe të luajë domino tek lulishtja e SHQUP=it, kjo I bën më mirë sesa zyra në selinë e re të PD. Kështu me rradhë mund të përmenden shumë nga këta personazhe, që janë përgjegjësit kryesorë të humbjes në këtë fushatë.

Dikush kërkon dorheqjen e kryetarit por në fakt ai ka përgjegjësi në votim politik pra në zgjedhjet e vitit 2017. Strukturat e organizimit, burimet njerëzore, nënkryetari për organizimin kanë totalisht përgjegjësi për këtë situatë ku ndodhet PD-ja, me apo pa manipulimin e zgjedhjeve.

Minimalisht Basha që të japë shenja ndryshimi dhe forcimi të PD, disa nga drejtuesit duhet ti largojë nga detyra për PA AFTËSI të theksua. Pas tyre duhet të vijnë dhe shumë të tjerë në degë, por kjo le të shpresojmë që do ndodhë këtë herë. Jo vetëm për të korrigjuar dicka në drejtim por edhe duke shpresuar se PD do jetë më e fortë në zgjedhjet e ardhshme, që ne fakt janë tek pragu i derës.

Elvi FUNDO