E fundit!

15:10 Aktualitet

Erion Isai rrëfen transformimin e Kolonjës/ Nga investimet urbane te vizioni për turizmin dhe traditën

Një udhëtim në një prej zonave me historinë, traditën dhe ...

Tahiri: Frroku i lirë të lëvizte. Berisha: U lirua për votat dhe e nisët në Kubë

2 Korrik 2015, 13:14, Aktualitet CNA

Arratisja e Arben Frrokut jashtë Shqipërisë ka qenë objekt replikash sot në Kuvend mes ish-kryeministrit Berisha dhe ministrit të Brendshëm, Tahiri. Ky i fundit tha se Frroku ishte i lirë të lëvizte jashtë vendit pas vendimit të Gjykatës së Shkallës së Parë.

?Pas vendimit të Gjykatës së Shkallës së Parë, sipas së cilit shtetasi ishte i pafajshëm dhe si i tillë i lirë, zotëria në fjalë nuk kishte asnjë ndalim ligjor për të lëvizur lirshëm brenda apo jashtë vendit. Në pikën kufitare, në kufirin shqiptar ky shtetas është regjistruar në regjistrin manual sepse tims nuk funksiononte. Regjistri është aty dhe mund të shihet. Nesë PD ka ankesë mund ti drejtohet prokurorisë. Po keni ndonjë merak shkoni verifikohen. Policia ka bërë verifikimin e statusit e shtetasit dhe pasi është verifikuar është lejuar të udhëtojë. Po kështu është bërë ndalimi në një pikë kufitare jashtë Shqipërisë, ku policia e atij shteti ka komunikuar me Interpol Tirana, e cila pas komunikmit me Prokurorinë, i ka kthyer përgjigje atij shteti se nuk ekzistonte asnjë bazë ligjore për ta ndaluar atë person?- ka thënë Tahiri.

Ish-kryeministri Berisha në fjalën e tij tha se Frrokun e nisën në Kubë pasi përfundoi misioni i tij elektoral në Pukë.

?Ata që akuzoni ju e kapen Arben Frrokun brenda gjysëm ore, e identifikuan vrasësin, e sollën nga Selaniku e vunë pas hekurave dhe e liruat ju. E liruat për të blerë votat në Pukë. E nisët në Kubë sepse mbaroi misionin, por shpirti i komisarit të vrarë do ju ndjekë gjithë jetën. Ja ku u vra komisari tjetër në hyrje të Lazaratit, asnjeri nuk e akuzoi se e nxorët në pritë, ndonëse e nxorët në prite, ndonëse u vra nga njerëz të lidhur me qeverinë?- tha Berisha.

Vazhdimisht pas vendimit të Apelit, opozita ka akuzuar Ramën për ndihmë ndaj vrasësisit të kryekomisarit, Dritan Lamaj. PD pretendon se kryeministri është takuar fshehtësisht në Pukë me Arben Frrokun.