Ministria e Mbrojtjes ceremoni për shkëmbim kulturor e gjuhësor në vendin tonë

12 Qershor 2015, 13:02, Politikë CNA

Një ceremoni e veçantë është zhvilluar sot në Ministrinë e Mbrojtjes, të cilën e kanë ndjekur 23 kadetë amerikanë, të kryesuar nga nënkolonel Ted Priester, të cilët për më se 3 javë rresht ishin pjesëmarrës në zhvillimin e programit të shkëmbimit kulturor dhe gjuhësor “CULP”. Në këtë ceremoni ishin të pranishëm: zv.ministri i Mbrojtjes, Petro Koçi, amabasdori i SHBA-së në Tranë, Donald Lu, zv.shefi i Shtabit të Përgjithshëm i FA-së, gjeneralmajor Viktor Bërdo, drejtorë dhe ushtarakë të lartë të Ministrisë së Mbrojtjes dhe Shtabit të Përgjithshëm të FA-së etj. Zv.ministri i Mbrojtjes, Petro Koçi, në përshëndetjen e tij, ndër të tjera, u shpreh se Shqipëria është një vend i bukur dhe mikpritës dhe se e vlerësojnë SHBA si një aleat të fuqishëm.

?Po i drejtohem kadetëve amerikanë dhe po ju them që vërtet ju vini nga universitete të ndryshme të Shteteve të Bashkuara, por pas një përvoje 3 javore këtu shpresoj të ktheheni me një opinion unik e të përbashkët për Shqipërinë dhe shqiptarët: që Shqipëria është një vend i bukur, që qytetarët e saj janë mikpritës dhe janë europianë që vlerësojnë se SHBA janë aleati më i rëndësishëm gjeostrategjik për shqiptarët?. Pjesëmarrja në programe të tilla, tha më tej z. Koçi, favorizon perspektivë të përbashkët dhe mundëson që të identifikojmë edhe më mirë vlerat kulturore të njëri-tjetrit duke arritur që krah për krah të maksimizojmë përpjekjet tona në përmbushje të sfidave që kemi përpara. ?Sinqerisht dua t?ju falenderoj për ndihmën dhe asistencën humanitare, kontributin e vyer të dhënë nga ekipi juaj në instuticione të ndryshme, si në Shtëpinë e Jetimores në Sauk, Shtëpinë e Fëmijës me sindromën Doën, si edhe për aktivitetet sensibilizuese në mbajten pastër të mjedist në Korçë, aktivitete që përmbushën programin kulturor CULP.

Shpresoj për më shumë shkëmbime të tilla në të ardhmen dhe ju uroj nga zemra karrierë të mbarë dhe plot sukses në shërbim të sigurise?, ka përfunduar zv.ministri i Mbrojtjes Petro Koçi. Kadetët dhe të pranishmit e tjerë i përshëndeti edhe ambasadori i SHBA-së në Tiranë, Donald Lu. ?Suksesi i kësaj vizite nuk do të kishte qenë e mundur pa mikëpritjen e jashtëzakonshme të shqiptarëve, prandaj më lejoni t?ju shpreh falënderimet më të veçanta. Shqipëria është e njohur për mikpritjen dhe njerëzit e saj miqësorë. Jam informuar se disa të rinj amerikanë kanë pasur një porvojë të mrekullueshme për shkak të mbështetjes tuaj. Ata janë argëtuar shumë gjatë qendrimit dhe udhëtimeve që kanë zhvilluar me ju. Jam shumë i lumtur që dy prej kadetëve amerikanë janë shqiptare etnikë. Ata përfaqësojnë atë që është më e mira e lidhjes mes dy vendeve tona?.

Ai u tha kadetëve se, shumë prej jush do të kthehen në Shqipëri pas disa vitesh për tu ritakuar me miqtë që keni bërë gjatë qendrimit tuaj këtu. Ju jeni aletatë të NATO-s dhe mund të shërbeni krah për krah me njëri- tjetrin diku nëpër botë. Nga data 22 maj deri me 12 qershor 2015, në ambientet e Ministrisë së Mbrojtjes është zhvilluar programi kulturor me një grup kadetësh amerikanë. Kjo tashmë është kthyer në një traditë, sepse që prej më se tre vitesh në kuadër të bashkëpunimit të ndërsjelltë midis ushtrisë sonë dhe asaj amerikane ka filluar dhe po zbatohet programi i ?Shkëmbimit kulturor dhe gjuhësor ?CULP? me pjesëmarrjen e kadetëvë nga universitete të ndryshme nga SHBA. Qëllimi i zhvillimit të këtij programi ishte shkëmbimi i eksperiencës dhe përvojës në njohjen e vlerave të trashgimisë kulturore, historike dhe turistike të vendit tonë, si dhe njohja nga afër e disa njësive dhe reparteve të Forcave të Armatosura. Në këtë program të zhvilluar në gjuhen angleze krahas 23 kadetëve amerikanë, morën pjesë dhe 34 nënoficerë nga struktura të ndryshme të FA-së.

Ky program, krahas njohjes gjuhësore, ishte i larmishëm me vizitat e shumta në njohjen e vlerave historike dhe arkeologjike të popullit shqiptar nëpërmjet vizitave të zhvilluara në shumë qytete dhe qendra muzeale të vendit tonë. Gjithashtu ata zhvilluan vizita në Batalionin i FS, në Regjimentin e Helikopterëve, në Komandën e FD, ku u njohën me arritjet dhe realitetin e FA Shqiptare. Në përfundim të ceremonisë zv.ministri Koçi dhe Ambasdori Lu shpërndanë certifikata për kadetët amerikanë dhe nënoficerët shquptarë të dalluar gjatë realizimit të këtij programi.