web counter
LEXO PA REKLAMA!

SHKARKO APP

App Store
Google Play

E fundit!

x

24-vjetori i PS/ Rama uron socialistët: Respekte për ata që e krijuan dhe e ndërtuan

12 Qershor 2015, 07:43, Politikë CNA

Partia Socialiste feston sot 24-vjetorin e krijimit të saj. Kryeministri Rama në një status në rrjetin social “Facebook” ka uruar të gjithë socialistët, duke e quajtur këtë parti një mbrojtëse të denjë të interesit kombëtar dhe mishërim të demokratizimit shoqëror.

Postimi i plotë i kryeministrit, Edi Rama në Facebook

“Gëzuar!  U uroj nga zemra të gjithë socialistëve gëzuar ditëlindjen e Partisë Socialiste të Shqipërisë, forcës më të madhe politike të atdheut tonë, e cila sot udhëheq përpjekjen historike për të bërë shtetin modern dhe europian të shqiptarëve; partisë që në gjithë rrugëtimin e saj ka ditur të jetë mbrojtës i denjë i interesit kombëtar dhe mishërim i demokratizimit shoqëror; bashkësisë politike të plot fitoreve e arritjeve për Shqipërinë dhe të ringritjes së guximshme e të suksesshme pas dështimit, në një rrugëtim tanimë të gjatë thuajse çerek shekulli.

Respekt për ata që e krijuan dhe drejtuan në të gjitha nivelet Partinë Socialiste të Shqipërisë gjatë këtyre viteve të jashtëzakonshme për vendin e për shoqërinë tonë; mirënjohje për të gjithë ata që me përkatësinë e tyre shpirtërore e politike në këtë familje të madhe e rriten dhe fuqizuan Partinë Socialiste si fuqinë e padiskutueshme të ndryshimit; faleminderit kujtdo që e votoi qoftë edhe një here të vetme PS në tërë këto vite dhe investoi tek kjo forcë e madhe e ndryshimit, besimin tek Shqipëria!   Le ta festojmë këtë ditëlindje me një fitore domethënëse në 21 qershor! Për Partinë Socialiste dhe si gjithmonë për Shqipërinë që duam”.





Lajmet e fundit nga