web counter
LEXO PA REKLAMA!

SHKARKO APP

App Store
Google Play

E fundit!

x

Veliaj me biznesin premton ngritjen e Keshillit Ekonomik te Tiranes

11 Qershor 2015, 14:19, Politikë CNA

Kandidati i koalicionit të majtë për Bashkinë e Tiranës, Erion Veliaj, në një takim me përfaqësuesit e biznesit tiranas, vuri theksin tek  partneriteti publik-privat, inventarizimi i aseteve të bashkisë, si dhe ngritja e Këshillit Ekonomik të Tiranës. ?Duam shumë që t?i japim prioritet partneritetit publik-privat. Në disa skema që tashmë kemi menduar, duam të kemi tre terminale të hyrjes në Tiranë, për transportin publik. Është e paarsyeshme që bashkia të ketë monopol dhe të investojë gjithçka vetë, ndaj këto mund të bëhen në partneritet me biznesin?, deklaroi kandidati i majtë. Ai theksoi se në drejtimin e Bashkisë së Tiranës do të ketë një partneritet publik-privat për çështje që lidhen me biznesin dhe pikat e grumbullimit. Duke vlerësuar se në Tiranë ka prona të bashkisë të cilat janë të pazhvilluara, Veliaj tha se ekziston një inventar i të gjithë aseteve të bashkisë që mund t?i shërbejnë biznesit për të rritur punësimin. Ai foli edhe për ngritjen e Këshillit Ekonomik të Tiranës brenda 100 ditëve të para të mandatit, ndërsa sqaroi se kjo është një platformë këshillimore para se vendimet t?i kalojnë për miratim Këshillit Bashkiak. Veliaj vlerësoi se bashkia bëhet operator i konkurrencës së pandershme, si dhe premtoi trajtim të barabartë të bizneseve, por edhe taksa në varësi të zonës ku zhvillohet aktiviteti.





Lajmet e fundit nga