web counter
LEXO PA REKLAMA!

SHKARKO APP

App Store
Google Play

Farrici: Vota juaj do të jetë investim për të ardhmen e komunitetit

11 Qershor 2015, 09:14, Politikë CNA

Banorët e fshatit Urakë në Komunën Rukaj, treguan se do të jenë në Drejtimin e Duhur në zgjedhjet e 21 Qershorit. Në takimin elektoral të zhvilluar me kandidaten e Aleancës për Shqipërinë Europiane, zgjedhësit e Urakës thanë se janë mashtruar më shumë se 20 vite nga e djathta, por nuk do ta lejojnë më një gjë të tillë.

Ndërsa kreu i socialistëve të Matit, Agron Malaj, u shpreh se ndersa të djathtët e kanë hartuar programin elektoral nga kafenetë dhe zyrat, kandidatja e majtë ka trokitur derë më derë për t’u njohur me hallet dhe problemet e komunitetit.

“Ata jo vetëm që nuk kanë një program elektoral të mirëfilltë të dalë nga terreni, por kanë të njëjtin program si 25 vite më parë, pasi edhe pse kanë qenë në pushtet, nuk e kanë realizuar kurrë. Më vjen keq që kandidati rival shoqërohet nga disa persona që janë turpi i këtij vendi, pasi vetëm e kanë zhvatur popullin”.

Sekretari i Lëvizjes Socialiste për Integrim, Mat, Abdi Pasha, tha: “Stafi shoqërues i kandidatit të djathtë është një grup biznesmenësh, të cilët më vonë do të përfitojnë tendera të ndryshëm, duke mos investuar tek ju”.

Adelina Farrici, i siguroi banorët e Urakës se vota në Drejtimin e Duhur për të, do të jetë investim për të ardhmen e këtij komuniteti.





Lajmet e fundit nga