web counter
LEXO PA REKLAMA!

SHKARKO APP

App Store
Google Play

Ja punonjësit e 400 komunave dhe bashkive që humbin vendet e punës pas 21 Qershorit

11 Qershor 2015, 06:03, Politikë CNA

Qeveria ?Rama? ka miratuar dje një vendim për funksionimin e ri të bashkive pas zgjedhjeve të 21 Qershorit. Nëpërmjet këtij vendimi përcaktohet procedura e mbartjes së dokumentacionit, financave, personelit dhe detyrimeve nga subjektet e shkrira, bashki apo komuna tek njësitë e reja.

Ky vendim përcakton edhe fatin e të punësuarve në gati 400 bashki dhe komuna, të cilat do të shndërrohen në 61 njësi vendore në zgjedhjet e 21 Qershorit. Sipas vendimit të qeverisë, punonjësit e komunave dhe bashkive aktuale, të cilët nuk kanë statusin e nëpunësit civil, rrezikojnë vendin e punës për shkak të ristrukturimit. Vendimi parashikon që, nëse gjatë procesit të ristrukturimit punonjësve u shkurtohet vendi i punës apo, për shkak të kualifikimeve dhe kushteve të punës nuk mund të përshtaten në strukturën provizore apo strukturën e re të bashkisë, atëherë atyre u ndërpritet marrëdhënia e punës, duke respektuar afatet dhe procedurat e njoftimit, sipas dispozitave të ligjit nr. 7961, datë 12.7.1995, ?Kodi i Punës i Republikës të Shqipërisë?, të ndryshuar.

Për punonjësit që mbulojnë pozicione të shërbimit civil, për të cilët është lëshuar nga njësia e menaxhimit të burimeve njerëzore akti i deklarimit të statusit të punësimit, sipas ligjit nr. 152/2013, ?Për nëpunësin civil?, të ndryshuar, kryhen procedurat e transferimit, të parashikuara në dispozitat e tij. Për punonjësit që mbulojnë pozicione të shërbimit civil, por njësia e menaxhimit të burimeve njerëzore nuk është shprehur në lidhje me statusin e tyre të punësimit, sipas ligjit nr. 152/2013, ?Për nëpunësin civil?, të ndryshuar, NJMBNJ-ja e bashkisë merr funksionet e organit përgjegjës dhe shprehet në lidhje me statusin e tyre të punësimit.





Lajmet e fundit nga