web counter
LEXO PA REKLAMA!

SHKARKO APP

App Store
Google Play

KQZ, 280 persona trajnim anetareve te komisioneve te Qendrave te Votimit

11 Qershor 2015, 15:11, Politikë CNA

Komisioni Qendror i Zgjedhjeve bëri me dije sot se 280 trajnerë të angazhuar nga KQZ, do të trajnojnë në të gjithë territorin e vendit anëtarët e Komisioneve të Qendrave të Votimit. ?Programi i trajnimit do të shtrihet në të gjitha njësitë administrative për të shmangur vështirësitë e pjesëmarrjes së komisionerëve në trajnim. Ky program do të zhvillohet për një periudhë kohore, nga data 12 qershor deri në datën 18 qershor, për 37 mijë komisionerë. Materialet që do të përdoren në trajnim, si: Manuali i KQV-së dhe Fletorja e punës e cila përmban të gjithë dokumentacionin që do të përdoret prej tyre gjatë administrimit të procesit, janë hartuar e prodhuar me standarde bashkëkohore, për të qenë të qarta dhe të kuptueshme, me qëllim qartësimin e procedurave ligjore dhe përvetësimin me lehtësi nga ana e komisionarëve?,- deklaroi Drilona Hoxha, zëdhënëse e KQZ-së. Ajo bëri me dije se metodologjia që do të përdoret në trajnim, është ndarë mes teorisë dhe demonstrimit praktik të veprimeve në QV dhe synon rritjen e kapaciteteve dhe aftësimin praktik të komisionerëve . Më tej KQZ i bën apel të gjithë administratorëve të objekteve ku janë të vendosura Vendet e Numërimit të Votave, që të krijojnë aksesin dhe lehtësimin e nevojshëm që KZAZ-të  të mos pengohen në punën e tyre për përgatitjen e vendeve të numërimit të votave me të gjithë infrastrukturën e nevojshme që mbart me vete ky proces.





Lajmet e fundit nga