web counter
LEXO PA REKLAMA!

SHKARKO APP

App Store
Google Play

E fundit!

x

Dako: Mbështetje për fermerët, orientim drejt prodhimeve fitimprurëse

12 Qershor 2015, 07:36, Politikë CNA

Kandidati i Aleancës për Shqipërinë Evropiane për bashkinë e Durrësit, Vangjush Dako, ka zhvilluar takime me fermerët.

‘Në çdo fshat është e njëjta situatë, ku mungojnë shërbimet dhe infrastruktura, prandaj që në fillim të këtij mandati do të bëjmë aq sa nuk është bërë sa 20 vjet të marra së bashku në zonën tuaj. Gjatë 8 viteve të punës time në krye të bashkisë nuk i kam realizuar punët dhe investimet vetëm për zona preferenciale apo që ato të jenë në shërbim vetëm të një grupi të caktuar banorësh, por si punë e shërbime për gjithë banorët, kudo ku jetojnë dhe pavarësisht se janë të majtë apo të djathtë.

Zhvillimi ekonomik i zonës do të mbështetet në dy shtylla kryesore, siç janë toka bujqësore dhe deti. Jemi të vendosur për të zhvilluar bujqësinë, të vendosur të ndihmojmë fermerët dhe kjo nuk ndodh pa ide dhe projekte konkrete. Ne do të vëmë në punë të gjithë rezervuarët e zonës për vaditjen e tokave si dhe pastrimin e kanaleve kulluese dhe vaditëse, së shpejti në zonën e Sukthit nis investimi i Operatorit të Shpërndarjes së Energjisë Elektrike me vlerë 6 milion euro. Ky investim pritet të rrisë ndjeshëm cilësinë e furnizimit të banesave me energji elektrike, duke nxjerrë jashtë funksionit linjat e vjetra’ u shpreh Dako.





Lajmet e fundit nga