web counter
LEXO PA REKLAMA!

SHKARKO APP

App Store
Google Play

E fundit!

x

Gjergji Mero: “Do ngrejmë ekipin B të Skënderbeut , kampion”

11 Qershor 2015, 17:39, Politikë CNA

Kandidati Gjergji Mero u takua me ekipin pesë herë kampion të Skënderbeut, sportistë të rinj dhe ish trajnerë e specialistë të sporteve në qytet. Kandidati Mero duke vlerësuar dhe shprehur mirënjohje të thellë për aftësitë dhe krenarinë e skuadrës kampion të futbollit tha se, Bashkia nuk ka bërë sa duhet për mbështetjen e kësaj skuadre. Suksesi i mbështetjes është meritë e biznesit privat dhepërkrahjes së grupit të dashamirësve sportistë, u shpreh ai. Kandidati Mero tha se investimet për ndërhyrjen në infrastrukturën e Stadiumit do të jenë të shpejta, pasi ekipi kampion nuk mund të stërvitet, e aq më pak të luajë në kushte të vështira
Si Rektor por dhe si ish kryetar këshillit , u shpreh kandidati Mero , gjithmonë kam përkrahur sportin dhe futbollin në vecanti dhe në ngritjen e skuadrave të suksesshme të të rinjve.
?Ata janë fidanishtja e skuadrave kampion dhe për këtë qëllim do të bashkëpunojmë ngushtë me biznesin në financimin e klubeve të sportistëve të rinj?. Ai tha se prioritet i programit, është ngritja e ekipit B me talentet e reja nga Korca.
Pjesëmarrësit vlerësuan qëndrimin mbështetës dhe tejet dashamirës të kandidatit Mero për sportin, dhe projektet për zhvillimin e tij. Trajnuesit e njohur të Korcës që kanë stërvitur breza sportistësh të suksesshëm dhe në skuadrat evropiane vlerësuan se me Bashkinë e re sporti do të marrë një hov zhvillimi.
Kapiteni I skuadrës kampion Blendi Shkëmbi ngriti shqetësimin e lidhjeve nepotike në drejtimin e skuadrës, fenomen, I cili pengon standartet e zhvillimit të futbollit, shqetësim, që do të zgjidhet me drejtimin e Bashkisë nga Gjergji Mero.
Kandidati Mero tha se në programin për sportet, është dhe zhvillimi I infrastrukturës së lojrave me dorë në mënyrë që të rigjallërohet jeta rinore dhe sportive në qytet.

 





Lajmet e fundit nga