web counter
LEXO PA REKLAMA!

SHKARKO APP

App Store
Google Play

Bozho: Saranda Policentrike , projekte Zhvillimore

12 Qershor 2015, 12:34, Politikë CNA

 

Kreshnik Bozho, kandidati i PD për Bashkinë e Sarandës, ka shpalosur programin për zhvillim urbanistik, ekonomik dhe rigjenerimin e  Shëtitores së Sarandës.

Në këtë program përfshihen:

Skenari i Zhvillimit Policentrik synon krijimin e centraliteteve të reja në territorin e ri të Bashkisë. Në këtë mënyrë do të efiçientohet ofrimi i infrastruk­turës dhe përmirësimi i cilësisë së jetesës duke rritur aksesueshmërinë në shërbime dhe hapësira publike. Ky skenar mbron dhe lejon mirë menaxhimin dhe valorizimin e resurseve natyrore si dhe të tokave bujqësore. Gjithashtu me anë të këtij skenari, mundësitë për rritjen e kohezionit territorial janë reale dhe të mund­shme. Në kuadër të këtij skenari do të krijohet dhe brezi i gjelbër i Sarandës i cili do të ku­fizojë shpërhapjen e vendbanimeve si dhe do të rrisë kapacitetin e gjelbër të Bashkisë

Lëvizja në Këmbë dhe me Biçikleta

Bashkia do të promovojë lëvizjen në këmbë dhe me biçikleta. Rrugët e reja, do të krijojnë hapësirën e përshtatshme për lëvizjen pedonale dhe me biçikleta, ndërkohë që ato ekzistuese duhet të përshtaten me kërkesat e reja për zhvillimim. Synohet zgjerimi i pedonales së bashkisë dhe krijimi i hapësirës për biçikleta. Gjithashtu, në lidhje me politikën për brezin e gjelbër, ky i fundit do të pajiset me itinerarë këmbësore

Rigjenerimi dhe Zgjatimi i Shëtitores së Sarandës

 

Bashkia Sarandë kërkon të investojë në përmirësimin e shëtitores pranë bregut të detit. Shëtitorja është një ndër hapësirat më të frekuentuara të qytetit gjatë sezonit turistik, si rrjedhojë duhet të përmirësohet për të përfaqësuar sa më mirë vlerat e qytetit. Përmirësimi i shëtitores do të ndikojë pozitivisht në rritjen e ima­zhit të qytetit të Sarandës si një destinacion turistik. Përtej përmirësimit të zonës ekzistuese, shëtitorja do të zgjatet në mënyrë që të krijojë një itinerar këmbësor të pandërprerë nga Saranda deri në Ksamil. Shëtitorja do të ketë dhe një korsi të dedikuar për lëvizjen me biçikleta si dhe një korsi për vrapim.





Lajmet e fundit nga