Kosova: Transparence e punesim sipas merites, Bashkia ne sherbim te qytetareve

12 Qershor 2015, 14:18, Politikë CNA

Kandidati demokrat për kryetar Bashkie në Tiranë, Halim Kosova, premton transparencë dhe punësim sipas meritës. Gjatë ditës së sotme ai prezantoi para banorëve të Njësisë 10, programin e tij për këtë zonë, duke thënë se parashikon ndërhyrje dhe investime në rrugë e lagje. ?Duhet të ndërhyhet në këto rrugë: rruga?Kajo Karafili?, ?Ibrahim Tukiqi?, sheshet e pallateve në ?Rrugën e Durrësit?, degëzimi i rrugës ?Mihal Duri?, rruga ?Kont Uran? me trotuaret e saj. Projekti parashikon ndërhyrjen në paketën e shtresave rrugore me gjatësi 500 metra linear në këtë pjesë të lagjes tuaj, ndërtimin e trotuareve me rreth 1500 metra katrorë për të cilat ka nevojë lagjia juaj, ndërtimin e rrjeteve inxhinierike, 500 metra kanalizim të ujërave të shiut dhe 300 metra për ujërat e zeza si edhe ka nevojë për 600 metra kanale ujësjellësi?, tha Kosova. Ai deklaroi më tej se investimet nga 2015 deri në 2017 në këtë zonë janë kryesisht pesë objekte të mëdha me vlerë 325 486 402 lekë të cilat konsistojnë në përmirësimin e higjenës dhe infrastrukturën e bllokut të kufizuar nga ?Kajo Karafili?, ?Mihal Duri?, ?Kont Uran? dhe ?Rruga e Durrësit?. Në vijim Kosova premtoi përmirësimin e infrastrukturës së arsimit parashkollor dhe parauniversitar dhe konkretisht shkolla 9 vjeçare ?Dora D?Istria?, shkolla 9 vjecare ?Avni Rustemi?, shkolla 9 vjeçare ?Konferenca e Pezës?, shkolla ?Kostandin Kristoforidhi?, rikonstruksioni i 62 klasave, shtimi i 20 klasave të reja, dy laboratore, rikontruksioni i dy palestrave, tre terrene sportive dhe instalimi i sistemit të ngrohjes për katrë objekte të tjera. Ai tha më tej se Tirana nuk ka nevojë as për një individ dhe as për një parti, por se ka nevojë për një gjë shumë të thjeshtë dhe që i ka munguar vazhdimisht, të ketë në krye një njeri i cili Bashkinë do ta lejë në shërbim të qytetarëve të Tiranës. ?Nuk ka rrugë tjetër që një njeri të rrijë pranë meje në drejtim të Bashkisë të Tiranës përveçse sipas meritës dhe sipas takatit që do ketë për ta ndjekur ritmin tim dhe sipas asaj që çfarë shërbimi, me sektorin që ai do të mbulojë do ti ofrojë banorëve të Tiranës për çdo lloj nevoje që ata do të kenë. Unë kam kandiduar, dhe me shumë dëshirë e kam marrë këtë pozicion të kandidimit dhe me 21 qershor, të detyrës së Kryetarit të Tiranës me votën tuaj, sepse jam i bindur më shumë se kurrë se në këtë qytet, ata që besojnë se ndershmëria përbën thelbin e suksesit tashmë janë shumica e banorëve?, tha Halim Kosova.