E fundit!

08:34 Kronika

Operacion antidrogë në Malësinë e Krujës, Krujë dhe Thumanë

Autoritetet kanë kryer një operacion të gjerë antidrogë në...

Negociata PD-PS, 3 propozime për largimin e kandidatëve të inkriminuar

5 Qershor 2015, 06:15, Aktualitet CNA

Teksa na ndajnë edhe dy javë nga data e zgjedhjeve, Partia Demokratike dhe Partia Socialiste, me ndërhyrjen dhe nën kujdesin e ambasadorit amerikan në Tiranë, Donald Lu, mësohet se janë përfshirë në negociata, për të gjetur një zgjidhje për përjashtimin e kandidatëve të inkriminuar, të skeduar tashmë nga Prokuroria dhe prezenca e Perëndimit në Tiranë.

Deri më tani, opozita ka humbur dy bashki në tavolinë, pasi pas presionit amerikan, vendoi të largonte dy kandidatë për bashkitë e Këlcyrës dhe Kurbinit. Nga ana tjetër, tashmë topi ndodhet në anën e Partisë Socialiste, e cila duhet të largojë dy kandidatë në dy bashki të rëndësishme, me emra të shumëfishtë dhe me të shkuar kriminale. Por, Komisioni Qendror i Zgjedhjeve, referuar Kodit aktual Zgjedhor, e ka të pamunduar ligjërisht t?i ç?regjistrojë kandidatët nga gara, vetëm nëse ata detyrohen nga partitë të vetëlargohen. Ligji zgjedhor nuk lë asnjë hapësirë dhe mundësi për çregjistrimin e kandidatëve të inkriminuar. Në këto kushte, mes mazhorancës dhe opozitës kanë nisur kontaktet, ndërsa nuk mundojnë as propozimet. Sipas burimeve, në tavolinë janë hedhur tre variante nga palët, për të mundësuar largimin e kandidatëve, pa shkelur ligjin zgjedhor.

Propozimi i parë parashikon një marrëveshje mes opozitës dhe mazhorancës, duke shkëmbyer partitë. Në disa bashki, opozita dhe mazhoranca do të mbështesin vetëm një kandidat, për të rrëzuar kandidatin e identifikuar me rekorde kriminale. Ky pakt mund të aplikohet përshembull në Bashkinë e Këlcyrës, ku kandidati i PD ka refuzuar kërkesën e Lulzim Bashës për t?u larguar. Ndërkaq, varianti i dytë parashikon ndryshimin e Kodit Zgjedhor dhe hyrjen menjëherë të ndryshimeve në fuqi, për të mundësuar hapësirat ligjore, për largimin e kandidatëve të inkriminuar dhe zëvendësimin e tyre me kandidatë të rinj. Po ashtu, varianti i tretë parashikon detyrimin e kandidatëve të dyshimtë që të dorëhiqen nga gara.

Hetime intensive

Organi qendror i akuzës në Shqipëri vijon hetimet intensive në dy plane sa i takon identifikimit të kandidatëve të inkriminuar në listat për zgjedhjet lokale të 21 Qershorit. Sipas burimeve, Prokuroria po heton të shkuarën e disa kandidatëve të dyshimtë, por hetimet po vijojnë edhe në një plan tjetër, pasi po punohet për t?i kthyer përgjigje një deputeti socialist, i cili ka kërkuar informacion për disa kandidatë të PD, nëse janë të inkriminuar apo jo.

Në ditët në vijim, prokurori pritet të dalë me një konkluzion sa i takon këtij procesi, i cili po dominon politikën shqiptare ditët e fundit. U tha se më 4 qershor në tavolinën e kryeprokurorit do të ishin emrat e kandidatëve të inkriminuar, por ende asgjë nuk është bërë publike. /Sot