A gënjen Astrit Patozi lidhur me një qëndrim për mediat “servile” ?

4 Qershor 2015, 11:21, Aktualitet CNA

Gjatë fjalës së tij në Parlament, deputeti Astrit Patozi denoncoi sot atë që është skandali i mediave të shitura, të blera dhe të korruptuara. Ai nuk drejtoi gishtin ndaj gazetarëve por ndaj pronarëve të mediave në lidhje me lajmet të cilat futen dhe hiqen nga mediat. Një nga rastet është edhe ai i publikimit të dosjes së Ajola Xoxës, por në fakt Z.Patozi bëri një lapsus apo gabim të qëllimshëm.

Ja cfarë tha Z.Patozi sot në Parlament:

?Dje disa media guxuan dhe publikuan dje lajmin se bashkeshortja e Erion Veliajt kishte sherbyer si perfaqesuese ligjore e nje trafikanti gjeorgjian, qe dyshohet se ka bere pastrim parash edhe ne Shqiperi. Por, ne darke lajmi kishte mbetur vetem tek LAPSI, nje portal i njohur online, disa e kishin fshire me nxitim, disa e kishin hequr fare, ndersa per te tjeret nuk ekzistonte.?

I nderuar z.Astrit Patozi,

Që prej disa kohësh jeni një nga deputetët me artikulimin më të qartë dhe më kritik në parlament. Një zë me të vërtetë ndryshe i opozitës, por në këtë rast keni gabuar me apo pa vetëdije, për këtë nuk jemi të sigurt. Gjithsesi ju këshillojmë që herë tjetër, kur dëshironi të bëni reklama të portaleve online, këtu e kemi fjalën edhe për Lapsi.al, një portal informative, i kolegëve Armand Shullaku dhe Andi Bushati, të jeni sa më i vërtetë. Në fakt, fjala juaj në parlament më shumë se sa një reklamë është një ?gënjeshtër?. Ndoshta ju nuk na klikoni por ne jemi një portal serioz edhe pse modest. Ne nuk pretendojmë se kemi miliona klikime, por jemi një nga portalet më të ndjekur.

Ju thoni që ?dosja? e Ajola Xoxës është hequr nga të gjitha portalet online dhe ka mbetur vetëm tek lapsi.al. Ne ju ftojmë të klikoni në linkun e mëposhtëm, ku do të gjeni të gjithë materialin e plotë të publikuar nga Cityfm.al

Linku i lajmit për Ajola Xoxën: http://www.cityfm.al/2015/06/pastrimi-i-parave-ajola-xoxa-perfaqesuese-e-amiran-dzanashvilit/

Kuptohet që materiali është me gjithë autorësinë e Lapsi.al. Pra ajo që ju thoni se ky lajm është i pasqyruar vetëm tek një media nuk është e vërtetë. Ne jemi një nga portalet që nuk e kemi hequr lajmin dhe kjo për një arsye shumë të thjeshtë: Ato media që heqin lajmet për Ajolën apo Ilir Metën, janë media që janë në pazar me qeverinë, që shiten dhe blihen sikur të jenë domate apo panxhar Maliqi. Ne nuk mundet të na telefonojë askush për të hequr lajmet sepse nuk jemi pjesë e pazareve të pista, por kërkojmë nga ju publikisht që herë tjetër të tregoheni edhe më i kujdesshëm dhe të mos i referoheni vetëm një faqe ndoshta më të madhe se ne, por të vlerësoni edhe faqet më modeste. Ne jemi dinjitoz dhe i kemi të publikuara klikimet të cilat mund ti gjeni tek RESMETER në Respublica.al.

Linkui i ResMeter: http://respublica.al/res-meter

Ne ndoshta nuk kemi klikimet e disa portaleve online, që janë qindra mijëra, por ne jemi të vërtetë dhe vetëm e vërteta dhe informimi i qytetarëve është detyra jonë e përditshme. Fatkeqësisht z.Patozi, ju nuk na keni vlerësuar. Shpresojmë që të reflektoni dhe ta kuptoni që disa media ndoshta me më pak klikime, janë më të ndershme dhe më të mëdha se shumë TV apo media të tjera që vendosin dhe heqin lajme me urdhra telefoni.

Me respekt,

Stafi i Cityfm.al