web counter
LEXO PA REKLAMA!

SHKARKO APP

App Store
Google Play

E fundit!

x

Si dështoi “Fundi i marrëzisë”

3 Qershor 2015, 18:29, Aktualitet CNA

Aksioni policor kundër lojërave të fatit, që mori emrin ?Fundi i Marrëzisë?, i nisur me shumë bujë në tetor të vitit 2013, ka mbyllur vetëm 25 biznese. Rreth 6 mijë efektivë të policisë u angazhuan në mbarë vendin për të luftuar informalitetin dhe në atë kohë u deklarua zyrtarisht se u mbyllën më shumë se 1 mijë biznese. Por shifrat tregojnë se aksioni mbetet shumë larg suksesit dhe se nuk ka arritur qëllimin për të cilin u shpall me zhurmë nga qeveria dhe kryeministri Rama. Shifrat tregojnë se informaliteti në këtë sektor vijon të mbetet i lartë. I përkthyer në përqindje, nga aksioni u tkurr vetëm 3.8 % e tregut. ?Sipas të dhënave të INSTAT të azhurnuara në Regjistrin e Ndërmarrjeve 2014 mësohet se, 25 biznese të fushës e kanë mbyllur aktivitetin vitin që shkoi. Në fund të vitit 2014 kanë rezultuar aktive 624 ndërmarrje nga 649 të tilla në vitin 2013?, raporton revista Monitor. Kryeministri Rama i pati në qendër të fushatës së tij elektorale të vitit 2013 lojërat e fatit dhe ato të basteve sportive. Ai kritikoi vazhdimisht dhënien e lejeve të tyre për t?u hapur në qendra të banuara. Sot bizneset e lojërave të fatit, kazinotë apo bastet sportive janë po aq të përhapura në qytetet shqiptare. Mjaft prej tyre kanë ndryshuar vetëm logot, në krahasim me vitin 2013.





Lajmet e fundit nga