E fundit!

09:13 Kronika

Vodhën milionat për pensionet dhe ndihmat sociale/ Në pranga 3 zyrtaret e Postës Shqiptare

Një rast skandaloz dhe kriminal është regjistruar në Durrë...

Kamorristi rival me Letizan që jetonte si marangoz në Durrës dhe lufta mes shqiptarëve

3 Qershor 2015, 10:13, Aktualitet CNA

Një tjetër vrasës kamorrist, anëtar i klanit kundërshtar me atë të italianit protagonist në vrasjen e trefishtë në Tiranë, ishte arrestuar në Durrës, korrikun e vitit 2013.

Historia e ushtarit të Kamorrës që erdhi në Tiranë për porosinë e vrasjes së Mentor Lufit është vetëm një fraksion i operacioneve të mafies italiane, e cila ka rekrutuar me dhjetëra e qindra shqiptarë, shkruan gazeta Shqip.

Këto ditë, përtej Adriatikut ka zhvillime interesante për sa i përket luftës mes klanit ?Quaqquaroni? të Salvatore Letizias, 34-vjeçarit që ndodhet në paraburgimin 302 dhe atij rival ?Mazzacane?, pjesë e të cilit ishte kamorristi 45-vjeçar, Vincenso Mango, i kapur në Shqipëri dhe ekstraduar drejt Italisë.

Emra të shqiptarëve të tjerë, pjesë e këtyre 2 klaneve ndodhen në listat e policisë dhe Antimafies italiane, teksa shefa e bosë të arrestuar, po rrëfejnë krimet e tyre.

Burimet zyrtare pranë Policisë së Shtetit thanë asokohe se 45-vjeçari Vincenzo Mango, u arrestua gjatë operacionit ?Mango? dhe u përcoll në masa të rrepta sigurie.

Para 13 vitesh, ai mori pjesë në një atentat për llogari të Kamorrës e pastaj iku në Shqipëri, ku kishte nisur një jetë të re si një marangoz.

Vincenzo Mango u ekstradua dhe direkt u arrestua nga policia në Caserta.

Klani i Mangos është në luftë me fraksionin ?Picoli&Letizia?, ose ?Quaqquaroni?, në të cilin 34-vjeçari Salvatore Letizia ishte anëtarësuar pas vitit 1997, kur rivalët i vranë prindërit.

Mango, një marangoz e tregtar, në periudhën e vrasjes, kishte lëvizur në Modena, ku ndryshoi jetën e në prag të vendimit përfundimtar, lidhur me procesin gjyqësor, u strehua në Shqipëri, ku në sajë të raporteve dhe njohuritë e fituara nga profesioni i tij, kishte gjetur punë si një marangoz.

Ndërkaq, Letizia ka thënë këto ditë në sallën e gjyqit në Tiranë se është murator me profesion.

Referuar informacioneve të publikuara ndër vite nga mediat italiane, të cilat bazohen në njoftimet e policisë apo raporteve të antimafies, rezultojnë disa shqiptarë në radhët e këtyre 2 klaneve.