E fundit!

07:52 Kosova & Bota

Pse kancelari Merz ka kaq pak mbështetje?

A nuk po i gjen dot Kancelari fjalët e duhura? Çfarë thonë...

KE, deklaratë për marrëveshjen e Shkupit, finalizimi në Bruksel

3 Qershor 2015, 08:39, Aktualitet CNA

Komisioni Evropian doli me një deklaratë për marrëveshjen e arritur një ditë më parë në Shkup nga komisioneri për Zgjerim Johanez Hahn i cili zhvilloi një takim prej gati tetë orësh me liderët politikë.
Ajo që shihet nga kjo marrëveshje në pika të përgjithshme janë prioritetet që duhet plotësuar nga ana e katër partive politike, ndërsa përmendet edhe zbatimi i Marrëveshjes së Ohrit, pa detajuaur çështjet që kanë të bëjnë me avancimin e pozitës së shqiptarëve, që së fundi ishin deklaruar nga dy partitë politike BDI dhe PDSH.
Në deklaratën e publikuar theksohet se bisedimet mes katër liderëve të partive politike me ndërmjetësimin e eurokomisionerit Johannes Hahn kanë qenë konstruktive dhe se të gjitha partitë janë angazhuar që të vendosin të parat interesat e qytetarëve dhe të gjitha bashkësive etnike.
Por, në deklaratë theksohet se në takimin e radhës në Bruksel do të diskutohen pikat kryesore të marrëveshjes, të cilat siç thuhet duhet të finalizohen. Ndër këto pika është edhe formimi i një qeverie kalimtare apo të zgjeruar, pasi që katër partitë kryesore por sidomos VMRO-DPMNE dhe LSDM kanë dallime dhe mosmarrëveshje lidhur me qeverinë kalimtare, e cila nga opozita kërkohet që të jetë pa Nikola Gruevskin si kryeministër dhe ky post të mos i takoj VMRO-DPMNE.
Partitë politike siç thuhet janë angazhuar gjithashtu në forcimin e marrëdhënieve ndëretnike dhe fqinjësore, procesin e integrimeve euroatlantike si dhe zgjidhjen e sfidave me të cilat përballet vendi.
KE gjithashtu nënvizon se palët kanë arritur marrëveshje që në prill të 2016 të zhvillohen zgjedhje të parakohshme, mirëpo deri në mbajtjen e tyre do të duhet realizimi i kërkesave dhe prioriteteve siç janë ndryshimi i kodit zgjedhor, pastrimi i listave zgjedhore.
Në marrëveshjen e publikuar nga disa medias në Shkup, janë tetë pika për të cilat aprtitë janë angazhuar, mes të cilave Kthimi i LSDM në Parlament; ngritja e një komisioni parlamentar për hetimin e përgjimeve i udhëhequr nga LSDM; përcaktim i një qeverie të gjerë, dhe zgjedhje të parakohshme në prill 2016.