E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Kampioni botëror në thaiboks, Valdet Gashi, xhihadist në Siri

4 Qershor 2015, 09:32, Aktualitet CNA

Kampioni i dyfishtë botëror i thaiboksit, Valdet Gashi me qëndrim në Zvicër rezulton të jetë rekrutuar në radhët e IS-it, ushtrisë terroriste të shtetit islam në Siri.

Kështu bën të ditur televizioni zviceran në gjuhën frenge srf.ch, duke promovuar emisionin e sotëm ?Rundschau?, ku do të bëhet fjalë për Gashin dhe për të rinjtë tjerë nga Zvicra të përfshirë në IS, transmeton Albinfo.

Sipas ?Rundschau?, të gjithë xhihadistët e njohur nga Winterthuri, para se të shkonin në Siri, kanë ushtuar te Valdeti, në ?Qendrën Islamike Sporteve Luftarake? MMA-Suna.

Siç është shkruar shumë në mediet zvicerane, nga viti i kaluar e deri më tash, nga qyteti i Winterthurit kanë shkuar për të luftuar në Siri një numër i konsiderueshëm të rinjsh me prejardhje shqiptare, kurde, etj. Por, në mesin e tyre është edhe një zviceran i konvertuar në islam, Christian, i njohur si Sandro.

Valdet Gashi, nëpërmjet rrjetiit social Facebook, ka shprehur ngushëllime për ?shokun kurd?, të riun nga Winterthuri, Hajan, i cili ishte vrarë në luftime. Me këtë rast ai ka shprehur dëshirën të bashkohet me të, në ?Qiellin e shtatë? (Jannh-al-firdaus).

Dhe, në fakt, nga janari i këtij viti Valdet Gashi i është bashkuar organizatës terroriste islamike.

Për disa muaj, ai e ka mbajtur sekret vendqëndrimin e tij, ndërsa familja e tij që jeton në Singen (Gjermani) besonte se ai gjendet në Tajlandë. Por, ka qenë emisioni emisioni ?Rundschau? i televizionit zviceran që e ka kontaktuar atë në Siri.

Në një bisedë telefonike, Gashi ka pranuar se është mishëruar me ideologjinë e IS-it. Natyrisht, ai ka thënë se do të dëshironte të ishte me fëmijët e tij (është baba i dy vajzave) dhe t`i mbante në krahë ato, por do të ishte I lumtur edhe të vdiste.

?Nëse vdes duke e bërë një të mirë, unë do të jem natyrisht i lumtur me këtë?, citohet të ketë thënë ai.

Angazhimi i tij konkret në Siri është patrullimi përgjatë Eufratit, ku gjurmon trafikantët dhe spiunët. Vendqëndrimi i tij është qyteti Membij, ku është takuar edhe me zviceranin Christian, i cili është bërë i njohur me xhirimin duke ia prerë kokën një kundërshtari.

Familja e Valdetit, e kontaktuar nga srf, ka thënë se është decidivisht kundër ideologjisë që ka zgjedhur i biri. Por, nëse ai e ndryshon mendjen dhe vjen këtu, gjithmonë e ka një vend në gjirin e familjes?(Illyria)