E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Shkullaku i përgjigjet sulmit personal të Erion Velisë

4 Qershor 2015, 18:53, Aktualitet CNA

Dje kandidati i PS-së për bashkinë e Tiranës, Erion Veliaj, i ftuar në studion e ABC News ka sulmuar këtë media si dhe drejtuesin e saj Armand Shkullaku, pikërisht nga ekrani ku po fliste. Ai e ka akuzuar shkullakun për sipërfaqen e shtëpisë ku banon, e ka akuzuar atë për mos pagesave të sigurimeve për gazetarët dhe së fundi se i shërben rivalit të tij Kosova. Pas këtij sulmi personal edhe Armand Shkullaku ka vendosur të përgjigjet.?Në rastin e Veliajt, unë nuk mendoj se e kam kapërcyer të drejtën time. Edhe në rast se do ta kisha bërë, përsëri nuk është sulmi dhe akuza ndaj meje ajo që publiku pret të dëgjojë nga dikush që do të bëhet i pari i Tiranës. Publiku kërkon transparencë nga ata që zgjedh me votë?. Duke u mbështetur tek ky parim Shkullaku ka renditur edhe rastet me të cilat ai ka qenë ?në konflikt? me Veliajn duke përligjur qëndrimet që ka mbajtur.

?Nuk është sulm personal nëse unë kam informuar për një dasëm që zhvillohet si serial dhe trajtohet nga qeveria si aktivitet kulturor. Në këtë rast nuk është nusja, por ?paja? që qeveria i jep dhëndërit ajo që përbën problem. Nëse qeveria prokuron para pa tender apo kompani marketingu vihen nën presion që të përfitojë dikush, nuk është vëllai si individ por ?vëllazëria? që e trajton paranë publike si trëshëgimi familjare. Këto nuk janë sulme personale.

Erjoni mërzitet që i përmenden apartamentet apo prenotimi i një vile dhe thotë që unë kam shtëpi pesë herë më të madhe se e tij. Do ishte normale të ishte kështu, sepse unë punoj në këtë profesion që nga 5 janari 1991 dhe nuk i kam bërë paratë duke shitur fiq, po Erjoni me çfarë të ardhurash e bëri pasurinë e tij? Ky është detyrim publik për zyrtarët dhe jo sulm personal, për të treguar burimin e të ardhurave dhe pasurisë, që paratë e taksapaguesve të mos bëhen rrush e kumbulla, pavarësisht se dikur ke shitur fiq. Pra e konsideroj se do të ishte normale që të kem një shtëpi më të madhe se Erjoni, por nuk e di a është kështu dhe nëse ai i ka deklaruar edhe shtëpitë që mund të ketë në kodra e rezidenca banimi në Tiranë. Erjoni mërzitet që nuk del 24 orë në ekranin e tv, por ky fakt nuk më bën mua siç pretendon ai këshilltar të Halim Kosovës. Për fat të keq të Erjonit (ai do kishte dashur të ishte ndryshe) nuk bëj pjesë tek ata që ai i paguan herë me paratë e marketingut të ministrisë, herë me projekte që i menaxhon po vetë dhe herë më lirë, me dreka dhe darka ku shpërndan kasetat e takimeve të tij me popullin?. Shkullaku i është përgjigjur edhe akuzës se televizioni që ai drejton nuk paguan sigurimet e gazetarëve:?Erjoni në intervistën e tij për AbcNews shkoi edhe më larg duke bërë një deklaratë tërësisht të dënueshme. Ai tha se në Abc nuk paguhen sigurimet shoqërore dhe se ai e dinte këtë fakt për shkak të detyrës që ka patur si ministër. Nëse qënka e vërtetë përse nuk e ka bërë publike atëherë, e ka ruajtur për shantazh ndaj medias apo si bllof të paturp për të sulmuar nën brez? pyet ai?

E gjithë ky shpërthim i Veliajt vjen sipas Shkullakut për faktin e thjeshtë se pasi ai dhe njerëzit e tij i kanë mbyllur gojën shumicës së medieve, ata shqetësohen edhe për të vetmit zëra kritikë. (lapsi.al)