E fundit!

07:07 Sociale

Kthjellime dhe vranësira të pakta/ Parashikimi i motit për ditën e sotme

Ditën e Premte vendi ynë do të mbetet nën ndikimin e masav...

Boçi: Kandidati i Ramës për Librazhdin, simbol i abuzimit

27 Maj 2015, 09:43, Politikë CNA

Deputeti i djathtë Luciano Boçi përmes një deklarate për media bën me dije se mburrjet e Ramës për kandidatin e Librazhdit janë pjesë e tetarit të tij mediatik.

Sipas Boçit, Gurra ka dëmshpërblyer për rastet e fatkeqësive natyrore të afërmit e tij.

Deklarata e Luciano Boçit

Edi Rama prezantoi në Librazhd kandidatin e tij dhe të Taulantit dhe i thuri atij lavde në një shfaqje të ekzagjeruar mediatike. Mburrjet e Ramës për kandidatin, në fakt janë pjesë e teatrit të tij, pasi e vërteta qëndron krejt ndryshe.

Po i tregojmë sot publikut, vetëm një rekord të kandidatit të qeverisë për Librazhdin, çka tregon, dëshmon qartë, se çfarë është në gjendje të bëjë ky person kur ka pushtet.

Kur ishte kryetar i këshillit të komunës Qukës, Kastriot Gurra, dha miliona e miliona fonde për të afërmit e tij, kryesisht njerëzit më të ngushtë të gruas, duke sajuar përmbytje ose dëme natyrore fiktive. Ne kemi këtu listën nepotike, një listë që nga ana nepotike thyen rekordet kombëtare të dëmshpërblimit të afërmve të tij, me miliona e miliona lekë të taksave të shqiptarëve.

Hasan Gurra: shpërblimi 10 milionë, lloji i fatkeqësisë reshje, realiteti është fiktiv ? lidhja babai.

Lefter Gurra: shpërblimi 5 milionë, lloji i fatkeqësisë reshje, realiteti është fiktiv – xhaxhai

Nami Gjymenga: shpërblimi 14 milionë, lloji i fatkeqësisë rrëshqitje, realiteti është fiktiv – burri i kushërirës

Muharrem Gurra: shpërblimi 5 milionë, lloji i fatkeqësisë dëborë, realiteti është fiktiv – kushëri

Mersin Gega: shpërblimi 25 milionë, lloji i fatkeqësisë rrëshqitje, realiteti është fiktiv – daja i dhëndrit

Haki Gega: shpërblimi 15 milionë, lloji i fatkeqësisë rrëshqitje, realiteti është fiktiv – daja i dhëndrit

Hasan Gega: shpërblimi 25 milionë, lloji i fatkeqësisë rrëshqitje, realiteti është fiktiv, shpërblyer 2 herë daja i dhëndrit

Shaban Gega: shpërblimi 18 milionë, lloji i fatkeqësisë rrëshqitje, realiteti është fiktiv shpërblyer 2 herë daja i dhëndrit

Eduard Vlashi: shpërblimi 5 milionë, lloji i fatkeqësisë rrëshqitje, realiteti është fiktiv kushëri i dhëndrit

Kur si kryetar i këshillit të komunës, kandidati i Ramës dhe Taulantit ka këto rekorde e këto përvoja, mendoni se çfarë bën ky person po t?i japësh më shumë pushtet.

Qytetarët e Librazhdit e dinë mirë se çfarë u ka servirur qeveria dhe do të dinë ta bëjnë ndryshimin më 21 qershor, duke refuzuar modelin e abuzimit, e duke votuar për punë e dinjitet.