web counter
LEXO PA REKLAMA!

SHKARKO APP

App Store
Google Play

Idrizi nis fushatën me të rinjtë e KPR: Bëhuni pjesë e politikës dhe votoni nr. 34

26 Maj 2015, 18:30, Politikë CNA

Pas çeljes së fushatës në Pallatin e Kongreseve, Kryetari i Partisë Drejtësi Integrim dhe Unitet, Shpëtim Idrizi zgjodhi të nisi takimet e fushatës zgjedhore me të rinjtë e Klubit të Patriotëve të Rinj, në një party të organizuar në Tiranë.

Idrizi iu drejtua rreth 600 të rinjve, anëtarë të KPR-së, duke u kërkuar që të jenë pjesë aktive e politikës shqiptare në mënyrë që të jenë pjesë e vendimmarrjes që lidhet me ta. Gjithashtu ai u shpreh se të gjithë duhet të ndihemi krenar që jemi shqiptarë dhe duhet ta duam njëri-tjetrin pa dallime, pasi kjo gjë, na bënë patriot të vërtetë.

?Mos i rrini larg shoqërisë shqiptare, shfaquni me vlerat tuaja, sepse ju nuk jeni e ardhmja, jeni e tashmja. Futuni brenda politikës, ndryshojeni veten dhe ndryshoni Shqipërinë, sepse kjo është e vetmja rrugë. Jepeni votën për PDIU-në, numrin 34, sepse do të ndiheni edhe më shumë krenar që jeni shqiptarë?, tha Idrizi.

Në fund të fjalës së tij, kryetari i Partisë Drejtësi Integrim dhe Unitet u shpreh se duke votuar numrin 34, të rinjtë do ndihen akoma më shumë krenar që janë shqiptar.





Lajmet e fundit nga