web counter
LEXO PA REKLAMA!

SHKARKO APP

App Store
Google Play

E fundit!

x

Meta pret shefin e OSBE-se ne Europe, Lamberto Zannier

26 Maj 2015, 15:33, Politikë CNA

Kryetari i Kuvendit, Ilir Meta priti sot Sekretarin e Përgjithshëm të Organizatës për Siguri dhe Bashkëpunim në Evropë (OSBE) Lamberto Zannier, të cilit i shprehu vullnetin maksimal të opozitës për aplikimin e standardeve të zgjedhjeve në nivelin më të lartë bashkëkohor.

Në këtë drejtim mirëpritet roli i misionit vëzhgues të OSBE/ODIHR nën drejtimin e Ambasadores Audrey Glover.

Meta dhe Zannier vlerësuan cilësinë e bashkëpunimit mes Kuvendit të Shqipërisë dhe OSBE-së si dhe aktivitetin e frytshëm të Prezencës së OSBE në Shqipëri duke vënë në dukje se kontributi i organizatës i shërben zhvillimeve demokracive e institucionale të vendit tonë.

?Kuvendi e ka forcuar rolin e tij mbikqyrës ndaj zbatimit të legjislacionit përmes aktivitetit të komisioneve të ndryshme parlamentare, monitorimit të aktivitetit vjetor të institucioneve shtetërore e të pavarura, rezolutave të ndryshme që kalojnë në Kuvend, raporteve vjetore dhe të veçanta që përgatiten dhe përmes ngritjes së komisioneve të ndryshme hetimore?,- tha Meta.

Zannier shprehu mbështetjen e OSBE për realizimin me sukses të reformës territoriale.

Ai vlerësoi realizimin e barazisë së plotë gjinore në listat e këshillit bashkiake si dhe numrin në rritje të kandidateve për kryetare bashkish.





Lajmet e fundit nga