web counter
LEXO PA REKLAMA!

SHKARKO APP

App Store
Google Play

E fundit!

x

Rama i vendosur të përjashtojë Gjinushin nga zgjedhjet, PSD sfidë PS me kandidatë në 9 bashki

26 Maj 2015, 06:27, Politikë CNA

Krahas betejës me dy bashkëkryetarët e opozitës Berisha-Basha, Edi Rama ka nisur edhe një luftë paralele me Skënder Gjinushin, aleatin tradicional të socialistëve, por që nuk pranoi të rreshtohej në koalicionin e shumicës në pushtet siç ka bërë gjithmonë, për shkak të moszbatimit të marrëveshjes nga Edi Rama, për ndarjen e pushtetit pas zgjedhjeve të 23 Qershorit 2013.

I shpërfillur dhe i neglizhuar fillimisht si faktor politik, Skënder Gjinushi tashmë është kthyer në një shqetësim serioz për Partinë Socialiste, llogaritë e së cilës duket se prishen për shkak të rolit të Partisë Social Demokrate në zgjedhjet e 23 Qershorit. Ndërsa selia rozë nuk e mori seriozisht paralajmërimin e kreut të PSD për të marrë pjesë i vetëm në zgjedhje, Skënder Gjinushi vendosi kandidatë për këshilltarë në të gjitha njësitë vendore në vend. Po ashtu, Gjinushi vendosi të përfaqësohej me kandidatë në 9 bashki të nivelit të parë dhe të dytë në vend.

Në këto kushte, Partia Socialiste, me anë të përfaqësuesve të saj në Komisionin Qendror të Zgjedhjeve ka nisur një betejë për ta përjashtuar Skënder Gjinushin nga këto zgjedhje, duke u kapur pas detajeve dhe paligjshmërive të procesit të regjistrimit të kandidatëve për kryetar bashkie dhe për këshilltar. Partia Socialiste i hodhi, me anë të Komisionit Qendror të Zgjedhjeve, i hodhi poshtë Gjinushit listën e kandidatëve për këshilltar në Durrës, ndërsa i ka çregjistruar edhe disa kandidatë për kryetar bashkie.

Çështë e vërteta e gjithë lufta konsiston në përjashtimin e kandidatëve të Gjinushit për kryetar bashkie, pasi mund të thithin votat e të majtëve radikalë dhe të pakënaqur me PS. Ndërkaq, beteja mes Edi Ramës dhe Skënder Gjinushit është zhvendosur në Kolegjin Zgjedhor. Nëse Gjinushi fiton përballjen në gjykatën e zgjedhjeve, atëherë ish-aleati i socialistëve rrezikon seriozisht Partinë Socialiste në 9 bashki të vendit.

Gjinushi me 9 kandidatë   

Skënder Gjinushi, në zgjedhjet lokale të 23 Qershorit, do të përfaqësohet me 9 kandidatë për 9 bashki të nivelit të parë dhe të dytë. Kështu, Gjinushi ka propozuar ish-deputetin e Partisë Socialiste, Albert Çaçin si kandidat për Bashkinë e Fierit. Edhe pse diferenca mes të majtës dhe të djathtës në Fier është e madhe, Albert Çaçi mund t?i heqë Partisë Socialiste disa mijë vota.    Për Bashkinë e Prrenjasit, kreu i PSD ka propozuar Artur Topin, të cilin Partia Socialiste kërkon ta çregjistrojë nga gara. Po ashtu, kreu i PSD ka propozuar kandidatë për Bashkinë Rrogozhinë, Përmet etj. PS-LSI, referuar zgjedhjeve të 23 Qershorit 2013 dhe formatimit të koalicioneve zgjedhore, janë në avantazh me 459 mijë vota ndaj të djathtës, por e majta mund të rrezikohet në 9 bashki nga roli i PSD, parti kjo po e majtë, por që nuk pajtohet me PS. /sot.com





Lajmet e fundit nga