E fundit!

07:38 Kosova & Bota

Mbi 800 vatra aktive zjarri në Kanada/ Tymi arrin në SHBA, shkakton alarm për cilësinë e ajrit

Mbi 800 zjarre pyjore vazhdojnë të digjen në të gjithë Kan...

Bojaxhi-Veliajt: Kandidimi im për Bashkinë e Tiranës është shprehje e vullnetit të lirë të rreth 14 mijë qytetarëve të ndershëm

26 Maj 2015, 18:00, Politikë CNA

Kandidati i pavarur për Tiranën Gjergj Bojaxhi i përgjigjet Veliajt për deklaratat kundërshtuese për kandidimin e tij. Bojaxhi theksoi se deklaratat e Veliaj janë fyerje e përçmim edhe për këta qytetarë, që ai i konsideron me sa duket ose budallenj të mashtruar prej meje ose si ?të Saliut?.

Deklarata e plotë e Gjergj Bojaxhi

Zoti Erjon Veliaj përsëriti edhe dje deklarata kundër kandidimit tim dhe denoncimeve që unë i kam bërë ndërtimeve në Parkun e Liqenit.

Kandidimi im për Bashkinë e Tiranës është shprehje e vullnetit të lirë të rreth 14 mijë qytetarëve të ndershëm. Deklaratat e Zotit Veliaj janë fyerje e përçmim edhe për këta qytetarë, të cilët Zoti Veliaj i konsideron me sa duket ose budallenj të mashtruar prej meje ose si ?të Saliut?.

Deklaratat e Zotit Veliaj kanë në fakt për qëllim të largojnë vëmendjen e publikut nga denoncimet që unë i kam bërë bashkëpunimit sistematik mes zotërinjve Rama, Berisha dhe Basha për shkatërrimin e parkut të liqenit

Në vend që të merret me mua, zoti Veliaj duhet t?u bëjë të qartë qytetarëve qëndrimin e tij për kthimin e Parkut të Liqenit në shesh ndërtimi. Konkretisht ai duhet t?i përgjigjet këtyre pyetjeve: A do e anullojë Zoti Veliaj vendimin Rama-Berisha-Basha për kthimin në tokë ndërtimi të rreth 70 hektarëve sipërfaqe përgjatë kurorës së Parkut të Liqenit? Unë do ta anulloj këtë vendim me referendum të qytetarëve të Tiranës.

A do e lejojë Zoti Veliaj ndërtimin 15 katësh në pjesën e parkut përballë Fakultetit Ekonomik, i cili është në tavolinën e Kryetarit të Bashkisë për firmë?

A do i lejojë Zoti Veliaj ndërtimet masive të planifikuara në pjesën e parkut në krah të Korpusit të Universitetit, mbi Akademinë e Arteve?

A do i lejojë Zoti Veliaj ndërtimet e planifikuara në territorin ku është sot Garda?

A do t?i lejojë Zoti Veliaj ndërtimet në trekëndëshin, që sot është parkim, në fillim të digës së liqenit?

A do t?i lejojë Zoti Veliaj ndërtimet që kanë filluar dhe të tjera që po përgatiten të fillojnë poshtë Digës së Liqenit? Unë nuk do t?i lejoj.

Pak ditë më parë, Zoti Veliaj kërkoi që unë t?u vë emër demoncimeve të mia. Emrat e atyre që qëndrojnë mbrapa ndërtimeve të mësipërme, Zoti Veliaj mund t?i gjejë në listën e të ftuarve në dasmën e tij.