web counter
LEXO PA REKLAMA!

SHKARKO APP

App Store
Google Play

Nishani-Zannier: Shqetesim per elemente te krimit ne administrate

26 Maj 2015, 17:58, Politikë CNA

Presidenti i Republikës, Bujar Nishani është takuar sot me Sekretarin e Përgjithshëm të OSBE, Lamberto Zannier, i cili ka shprehur shqetësimin e tij lidhur me fenomenin e infiltrimit të elementëve të lidhur me krimin e organizuar në administratë, përfshirë në kontekstin e zgjedhjeve të ardhshme lokale.

Ai kërkoi që kjo gjë të ndiqet me përparësi si një çështje që përbën problem serioz. Zannier shprehu gjithashtu shqetësimin e polarizimit të fortë të situatës politike në vend, gjë që mund të dëmtojë avancimin e mëtejshëm të vendit drejt integrimit evropian.

Sekretari i Përgjithshëm informoi po ashtu se bashkë me Këshillin e Evropës po bashkëpunohet për të asistuar palën shqiptare lidhur me amendimin e Ligjit për Median, një instrument shumë i rëndësishëm në zhvillimin e mëtejshëm të demokracisë në vend.

Nga ana e tij, kreu i shtetit u ndal gjerësisht mbi çështjet e sigurisë, si një nga shtyllat më të rëndësishme të misionit të Organizatës, duke u fokusuar veçanërisht në zhvillimet në rajonin e Ballkanit Perëndimor.

Presidenti Nishani siguroi se Shqipëria vazhdon me vendosmëri kursin e saj për fqinjësi të mirë dhe bashkëpunim konstruktiv rajonal. ?Vijimi i dialogut mes Kosovës dhe Serbisë, me ndërmjetësimin e BE dhe mbështetjen e SHBA, si dhe zbatimi i plotë i marrëveshjeve që arrihen në kuadër të këtij dialogu është thelbësor për normalizimin e marrëdhënieve mes dy vendeve, por me ndikim pozitiv edhe në bashkëpunimin rajonal?,- vlerësoi Nishani.





Lajmet e fundit nga