E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Edi Rama: Kapitull të ri miqësie me Beogradin, sot në Tiranë do ngrihet flamuri serb

27 Maj 2015, 06:59, Politikë CNA

Kryeministri Edi Rama kërkon hapjen e një kapitulli të ri miqësie me Serbinë, nën shembullin e miqësisë së Gjermanisë dhe Francës. Në prag të vizitës së kryeministrit serb Aleksandar Vuçiç në vendin tonë, kreu i qeverisë shqiptare, Edi Rama, ka dhënë një intervistë për gazetën serbe Danas.

?Ne presim thellim të bashkëpunimit me Serbinë dhe që së bashku të ecim në rrugën e paqes dhe të integrimit evropian, me besimin se Shqipëria dhe Serbia, populli shqiptar e serb, të mund të bëjnë për Ballkanin sot atë që Franca dhe Gjermania, francezët dhe gjermanët bënë për Evropën e pas Luftës së Dytë Botërore?, u shpreh kryeministri Rama.

Vuçiç pritet të mbërrijë sot në Tiranë. Kjo është vizita e parë e një kryeministri serb në Shqipëri dhe do të pritet me të gjitha nderimet që përcakton protokolli shtetëror, çka nënkupton se, siç u ngrit flamuri shqiptar në pallatin ?Serbia? dhe u këndua himni shqiptar, kur Rama vizitoi Beogradin më 10 nëntor, edhe në Tiranë nesër do të këndohet himni serb dhe do të ngrihet flamuri serb.

?Kjo vizitë ka një domethënie të veçantë, është një indikator i vendosmërisë tonë për të ecur përpara në rrugën që nisëm në Berlin, gushtin e kaluar, nën lidershipin vizionar për Ballkanin të kancelares gjermane Angela Merkel?, ka thënë kryeministri Rama për të përditshmen serbe. Kryeministri Edi Rama ka deklaruar gjithashtu se Shqipëria do të thellojë bashkëpunimin me Serbinë. Kreu i qeverisë theksoi se të dyja vendet janë të interesuara të shkojnë drejt Bashkimit Europian dhe bashkëpunimi mes tyre është i rëndësishëm.

?Shqipëria dëshiron të përmirësojë bashkëpunimin me Serbinë dhe të dy vendet bashkërisht të ecin drejt Bashkimit Evropian?, theksoi kryeministri Edi Rama.