E fundit!

09:53 Aktualitet

FOTO+VIDEO/ Pas reagimeve të Ramës dhe Kumbaros, qytetari ngre shqetësime për gjendjen në Bënjë

Pas reagimeve të kryeministrit Edi Rama dhe drejtueses pol...

SHBA-ja dhe Irani sulmojnë njëri-tjetrin

27 Qershor 2026, 09:04, Kosova & Bota CNA

Pavarësisht armëpushimit, SHBA dhe Irani kanë kryer sulme kundër njëri-tjetrit. Në shënjestër të sulmeve nga ajri ishin depo iraniane raketash dhe dronësh, si dhe impiante radarësh.

Pas një sulmi ndaj një anijeje tregtare për të cilin SHBA fajësonIranin, ushtria amerikane ka goditur si kundërpërgjigje objektiva në Iran. Sipas të dhënave të ushtrisë amerikane në shënjestër të sulmeve nga ajri ishin depo iraniane raketash dhe dronësh, si dhe impiante radarësh në bregdet.

Komanda rajonale amerikane për rajonin e Gjirit Persik, Centcom, tha se "sulmi i pajustifikuar” ndaj anijes tregtare përbënte "qartësisht” shkeljen e armëpushimit.

Më parë presidenti amerikan Donald Trumpe kishte akuzuar Iranin se ka kryer të paktën katër sulme me dron ndaj anijeve në Ngushticën e Hormuzit. Një nga dronët kishte goditur anijen tregtare, e cila sipas njoftimeve arriti ta vazhdonte udhëtimin pavarësisht prej dëmtimeve. Ushtria amerikane njoftoi se tre dronët e tjerë i kishte rrëzuar.

Trumpi shkroi në platformën e tij Truth Social: "Kjo është qartazi një shkelje e marrë e marrëveshjes sonë për armëpushim”.

Irani po ashtu, sipas deklaratave të veta, sulmoi më pas disa baza të ushtrisë amerikane në rajon. Nuk është e qartë cilat lokacione janë prekur. Udhëheqja në Teheran reagoi në këtë mënyrë ndaj sulmeve nga ushtria amerikane.

Shpërthime në Sirik

Sipas njoftimeve iraniane në qytetin iranian Sirik u dëgjuan duke u gdhirë dita e shtunë (27.06) shpërthime. Këtë lajm e dhanë ndër të tjerë televizioni shtetëror IRIB dhe kanali Press TV. Qyteti në provincën Hormusgan ndodhet në Gjirin Persik, pranë Ngushticës së Hormuzit, dhe ka qenë edhe në të kaluarën shpesh objektiv i sulmeve amerikane.

Uashingtoni dhe Teherani kishin rënë dakord së fundmi për një marrëveshje kornizë për t'i dhënë fund luftës dhe për rihapjen e Ngushticës së Hormuzit. Sipas të dhënave të televizionit amerikan CNN, i cili citon një zyrtar amerikan, sulmet e SHBA-së nuk nënkuptojnë, të paktën për momentin, një rikthim në operacione më të gjera luftarake./ DW