E fundit!

09:08 Opinione Mitro Çela

Mitro Çela rikujton historinë e pelikanit kaçurrel me Sokol Olldashin

PELIKANI KAÇUREL -Në prostestat e qytetarëve kundër Ramës...

Forcat speciale amerikane, sulm tokësor në Siri

17 Maj 2015, 08:25, Kosova & Bota CNA

Forcat speciale të Shteteve të Bashkuara kanë vrarë një anëtar të lartë të Shtetit islamik dhe kapën rob bashkëshorten e tij në një sulm të rrallë nga toka në lindje të Sirisë.
Luftëtari Abu Sayyaf drejtonte operacionet e naftës, gazit dhe ato financiare për llogari të ISIS sikundër kishte edhe një rol ushtarak, tha Departamenti amerikan i Mbrojtjes, përmes një njoftimi.
Në të thuhet se trupat amerikane u përpoqën ta kapin të gjallë, mirëpo ai u vra pasi u përfshi në luftime.
Kjo është hera e parë që Shtetet e Bashkuara njoftojnë se kanë ndërmarrë operacione tokësore për të sulmuar Shtetin islamik në Siri.
Operacioni u autorizua nga presidenti Barack Obama dhe u realizua nga forcat me bazë në Irak.
Zyrtarët amerikanë thanë se Abu Sayyaf ishte tunizian, ndërsa CNN njoftoi nga burime po zyrtare se ai ishte shefi financiar i të gjithë organiztaës dhe se Shtetet e Bashkuara kanë mbledhur të dhëna për mëyrën sesi operon ISIS, sesi komunukon dhe sesi i fiton paratë.
Por në rrjetet sociale arabe, sidoqoftë, Abu Sayyaf nuk konsiderohet si ndonjë figurë e njohur publike.
Gazi dhe nafta kanë qenë një burim i rëndësishëm të ardhurash ëpr Shtetin Islamik që mban nën kontroll tërritore në siri dhe irak që vitin e kaluar.
Të shtunën, grupi mori nën kontroll edhe pjesë veriore të qytetit të lashtë sirian të Palmira, qytet mbi të cilin kishte niosur avancimin prej tre ditësh, sipas Observatorit Sirian për të Drejtat e Njeriut.
Shtetet e Bashkuara thanë se operacioni në Siri u ndëmorr me lejen e plotë autoriteteve irakene, edhe pse nuk ishte informuar përpara qeveria siriane.
?E kemi paralajmëruar regjimin e presidentit Bashar al Asad të mos ndërhyjë në përpjekjet tona brenda Sirisë?. tha zëdhënësja e Këshillit të Sigurisë Kombëtare Bernadette Meehan, duke shtuar se regjimi i Asad
nuk është dhe nuk mund të jetë një partner në luftën kundër Shtetit Islamik.
Gjithsesi, bëhet fjalë për një operacion të rrallë, të njoftuar publikisht nga forcat speciale amerikane. Në Irak, amerikanët punojnë me Qeverinë, por jo në Siri, ku këto lloj operacionesh janë të rrezikshme.