E fundit!

10:19 Politikë

"Qeveria nuk po shet tokë"/ Rama për "Al Jazeera": Investimi 4 miliardë euro është bekim për vendin

Kryeministri Edi Rama ka folur për mediat e huaja lidhur m...

Obama siguron aleatët arabë: SHBA krah jush përballë Iranit

15 Maj 2015, 07:16, Kosova & Bota CNA

Presidenti amerikan Barak Obama u zotua të qëndrojë në krah të aleatëve të Gjirit, edhe më forcë ushtarake nëse nevojitet, premtime qëjanë të domosdoshme në një kohë tensioni të lartë për shkak të bisedimeve bërthamore me Iranin dhe mundësisë së nënshkrimit të një marrëveshjeje finale me të për programin bërthamor.
Obama siguroi liderët arabë, pas një samiti dyditor se Shtetet e Bashkuara janë të angazhuara t?i mbrojnë ato në kohë të ndryshimeve të jashtëzakonshme.
Duke folur në Camp David në afërsi të Ëashington, Obama tha se marrëveshja bërthamore me Iranin nuk përbën kërcënim për vendet e Gjirit.
Me anë të një deklarate të ëprbashkët ata u zotuan për bashkëpunim në shumë fusha. Në to përfshihen kundërterrorizmi, siguria detare, siguria kibernetike dhe mbrojtja me raketa balistike. Këshilli i Bashkëpunimit të Gjirit përfshin gjashtë kombe, Bahreinin, Kuvajtin, Omanin, Katarin, Arabinë Sauditë dhe Emiratet e Bashkuara Arabe.
?Isha shumë i qartë, që Shtetet e Bashkuara do të qëndrojnë së bashku me partnerët e Gjirit kundër sulmeve të jashtme?, theksoi Obama në fund të bisedimeve. Presidenti tha se shpreson se puna e përbashkët do të ndihmojë në arritjen e një lloj paqeje dhe fqinjësie të mirë me Iranin, e kjo ishte ajo që kërkojnë edhe shtetet e pranishme.
Presidenti Obama nuk u dha arabëve traktaktin formal të Mbrojtjes që dëshironin disa prej tyre, thonë korrespondnetët, por ai shkoi aq larg sa të siguronte ata se shtetet e bashkuara do t?u ruajnë shpatullat në kohë vështirësie, përfshirë edhe zotimin për bashkëpunim më të madh ushtarak.
Nga ana e tyre, arabët thanë se marrëveshja me Iranin do të ishte në interesin e tyre sa kohe që do të jetë e kuptueshme dhe e verifikueshme.
të gjithë morën atë që donin thanë korrespondentët në samit, por mbeten kontradikta të mëdha në pikëvështrimin për Iranin.
Obama u përpoq të qetësojë aleatët arabë, të cilët kanë nisur të jenë mosbesues ndaj Shtëpisë së Bardhë që nga qëndrimi pozitiv i Oamës ndaj pranverës arabe dhe janë të frustruar nga hezitimi i tij për tu përfshirë më shumë në konfliktin e Sirisë.