web counter
LEXO PA REKLAMA!

SHKARKO APP

App Store
Google Play

Britani/Qeveria refuzon idenë e kuotave për emigrantët

14 Maj 2015, 12:29, Kosova & Bota CNA

Qeveria e re konservatore në Britani, ende pa u ulur në tryezë për të shqyrtuar propozimet e Komisionit Europian për kuota në ndarjen e emigrantëve, ka shprehur një jo të vendosur për këto plane. Sistemi i kuotimit për të menaxhuar krizën e emigrantëve erdhi si propozim i Brukselit në kuadër të planeve për të ndalur fluksin e njerëzve që kalojnë Mesdheun por edhe për të lehtësuar barrën e vendeve pritëse. Me mijëra njerëz kanë humbur jetën në Mesdhe në përpjekje për të kaluar detin e për të mbërritur në brigjet e Europës.
Brukseli sqaroi se planifikon të sjellë 20 mijë azilkërkues në Europë dhe sugjeroi kuotimin si mënyrë për t?i ndarë ata në mënyrë më të drejtë midis shteteve anëtare.
Plani do të mbulonte dy vjetët e ardhshëm dhe do të kushtonte rreth 50 milion euro. Por, Britania, e cila së bashku me Danimarkën dhe Irlandën janë përjashtime nga ligjet e emigracionit të Bashkimit Europian, dëshirojnë që blloku të bëjë më shumë për të goditur trafikantët në Libi e të nisë një operacion të gjerë detare dhe ajror për të kapur mjetet e trafikantëve.
Por, aktivistët e grupeve të të drejtave të njeriut mbeten skeptikë për një mënyrë të tillë, sipas tyre shkatërrimi i barkave të trafikantëve, nuk ka të bëjë vetëm me bllokimin e tyre por do të shkatërronte edhe jetë njerëzore.
Rreth 51 mijë emigrantë kanë hyrë në Europë duke kaluar Mesdheun këtë vit dhe rreth 1800 kanë humbur jetën në këtë përpjekje.
Komisoni Europian apelon shtetet europiane të ndajnë barrën e procedimit të kërkesave për azil pasi Italia e Greqia nuk mund ta përballojnë fluksin që vetëm shtohet.





Lajmet e fundit nga