E fundit!

10:33 Politikë

Berisha në konferencën e EPP: Shqipëria ndodhet në krizë të thellë politike dhe shoqërore

Kryetari i Partisë Demokratike, Sali Berisha, ka marrë pje...

Albright: Kumanova, incident tepër shqetësues, të shihen lidhjet në rajon

14 Maj 2015, 12:15, Kosova & Bota CNA

Njëra prej përkrahëseve më të mëdha të pavarësisë së Kosovës, Madelene Albright ka kërkuar të sqarohet deri në fund ndërlidhja e Prishtinë në konfliktin e Kumanovës.

Ish-Sekretarja amerikane e shtetit, Madeleine Albright deklaroi se incidenti në Kumanovë është shumë shqetësues dhe duhet të merren më shumë informacione, të shihet roli i Kosovës dhe marrëdhënia e Greqisë.

Albright, e cila ishte aktive në diplomacinë amerikane në kohën e luftërave ballkanike, u pyet për mundësinë për zgjidhjen e kontestit me emrin dhe për qëndrimin e saj për incidentin në Kumanovë.

“Çështja e emrit tani sikur është problem më i vogël, të gjithë edhe ashtu e përdorin emrin Maqedoni. Gjatë fundjavës pati ngjarje të cilat ishin shumë shqetësuese. Ata tregojnë në aktivitete ekstreme në ndarje etnike. Duhet ta shohim në cilën mënyrë Kosova është e ndërlidhur, ta shohim ç’farë bën Greqia. Mendoj se kontesti për emrin nuk është çështja më e rëndësishme për momentin” deklaroi Albright, gjatë konferencës për situatën politike në Bosnjë në Universitetin John Hopkins në Ëashington.

Në përgjigjen e saj, Albright u përqendrua edhe në të kaluarën në kontestin me emrin, duke i përshkruar procedurat bizare nëpër të cilat duhej të kalohet në Kombet e Bashkuara vetëm të organizohet vizitë e politikanëve të Maqedonisë, të cilën diplomatët grek intesivisht e kanë kundërshtuar.

Albright ka thënë se ka pasur situata kur diplomatët amerikan i kanë sugjeruar sekretarit të përgjithshëm të KB-së që të riluhen shtyllat për flamujt vetëm që të shmanget pyetja rreth asaj cili flamur do të valëvitet gjatë vizitës së Gligorovit.

“Mbaj mend në marrëzinë e kontestit për emrin. Nëse një punë e mirë del nga lufta në Kosovë është ajo që veçmë nuk duhej ta përsëris atë ‘ish republika jugosllave’ çdoherë kur dëshmoja para Kongresit. Kjo ishte njëra ndër diskutimet më të çmendura ndërkombëtare të të gjitha kohërave”, deklaroi Albright, duke shtuar se për momentin, të gjithë Maqedoninë e quajnë nën emrin e saj kushtetues.