E fundit!

09:09 Aktualitet

Matura Shtetërore 2026/ Mbi 26 mijë nxënës zhvillojnë sot provimin e Gjuhës Shqipe dhe Letërsisë

Ditën e sotme, 26.600 maturantë do të zhvillojnë ditën e s...

Burime zyrtare, militantët e ISIS në barkat e emigrantëve

17 Maj 2015, 07:53, Kosova & Bota CNA

Luftëtarët e Shtetit islamik po trafikohen në Europë nga bandat në Mesdhe, një zyrtar libian i tha BBC-së. Këshilltari i Qeverisë, Abdul Basit Haroun tha se trafikantët fshehin militantë të shtetit islamik në anijet e mbushura me emigrantë. Ai e bazon këtë pretendim mbi bisedat me pronarë të barkave në disa pjesë të Afrikës Veriore që kontrollohen nga militantët. Gjithashtu, sipas zyrtarit libian, Shteti Islamik i lejon këta trafikantë të vijojnë biznesin e tyre në këmbim të 50 për qind të fitimeve.
Kombet e Bashkuara vlerësojnë se 60 mijë njerëz janë përpjekur të alojnë detin mesdhe vetëm gjatë këtij viti. Shteti Islamik është në kontroll në disa pjesë të Libisë, ëprfshirë edhe qytetin lindor Derna.
Më shumë se 1800 persona mendohet se janë mbytur duke bërë udhëtimin në barka shpesh të mbingarkuara dhe të palundrueshme, në vitin 2015, një shifër 20 herë më e madhe sesa e njëjta periudhë e vitit të mëparshëm.
Në një intervistë me BBC-në, këshilltari libian tha se Shteti Islamik përdor barkat e emigrantëve për njerëzit e tij që kërkon t?i dërgojë në Europë, pasi policia europiane që kontrollon fluksin e emigrantëve nuk mund ta dallojë se kush militant e kush një refugjat normal.
Militantët shpesh ulen në barka të ndarë nga emigrantët e tjerë dhe nuk janë të frikësuar nga udhëtimit, e zyrtari shton se ata janë 100 për qind militantë të ISIS. Harun thekson se Shteti Islamik lejon trafikun duke marrë 50 për qind të fitimit nga secila barkë.
Ai sugjeroi se xhihadistët janë duke planifikuar kohë përpara, sulmet e ardhshme në Europë. Më herët gjatë këtij viti, agjencia europiane e kontrollit të kufijve, Frontex paralajmëroi se është e mundshme që luftëtarët e huaj të përdorin rrugët e emigracionit të paligjshëm për të hyrë në Europë.
Shteti |Islamik që kontroll territore të gjera në Irak dhe në Siri ka qenë aktiv muajt e fundit edhe në Libi, duke shfrytëzuar një betejë për pushtet midis grupeve rivale në këtë vend, pas rrëzimit të kolonel Muamer Gedafit.