E fundit!

18:59 Editorial

Mulizimi apo Molëzimi i PD-së?!

Në mbledhjen e fundit të Këshillit Kombëtar të PD-së p...

Donald Lu: Lista e kandidatëve të inkriminuar në duart e krerëve të partive, t’i largojnë siç larguan Tom Doshin dhe Mark Frrokun

16 Maj 2015, 07:10, Politikë CNA

Nuk ka paqe mes ndërkombëtarëve dhe dy kampeve politike në Shqipëri për spastrimin e të inkriminuarve nga lista për zgjedhjet e 21 Qershorit, Parlamenti, qeveria dhe politika në tërësi. Shtetet e Bashkuara të Amerikës kanë artikuluar dje të tjera mesazhe të forta në adresë të politikës së Tiranës. Tre ditë pas përfundimit të ultimatumit për Partinë Demokratike dhe Partinë Socialiste, për përjashtimin e kandidatëve të inkriminuar nga lista për zgjedhjet e 21 Qershorit, ka ardhur edhe reagimi i fortë i ambasadorit amerikan në Tiranë, Donald Lu. Në një intervistë për revistën ?Java?, ambasadori amerikan në Tiranë, Donald Lu, ka deklaruar se në listat e Edi Ramës dhe Lulzim Bashës për zgjedhjet e 21 Qershorit ka ende kandidatë të inkriminuar. Kryediplomati amerikan deklaroi se Partia Socialiste dhe Partia Demokratike kanë larguar disa kandidatë me rekorde kriminale, por në lista ka ende kandidatë të inkriminuar. ?Jo, nuk është një ndryshim në politikën amerikane. Ne jemi duke mbështetur në mënyrë konkrete angazhimin e Dhjetorit për të dekriminalizuar Kuvendin, për të cilin u ra dakord nga të dyja palët, si nga mazhoranca, ashtu edhe nga opozita. Kemi hulumtuar historitë kriminale të kandidatëve për zgjedhjet vendore. Ne e kemi ndarë këtë informacion me kryetarët e partive politike, me kërkesën që ata ta verifikojnë këtë informacion dhe të ndërmarrin veprime. Ata kanë hequr disa prej këtyre emrave nga listat e kandidatëve dhe shpresojmë që do të heqin më shumë?, deklaron Donald Lu. Ambasadori amerikan u ka bërë thirrje Lulzim Bashës dhe Edi Ramës, të largojnë kandidatët e tjerë të inkriminuar, sikundër u goditën dy deputetë në Kuvend. ?Është Partia Socialiste, ajo që e përjashtoi Tom Doshin. Është prokurori juaj i Përgjithshëm, ai që ngriti akuza penale kundër Tom Doshit dhe Mark Frrokut. Janë drejtuesit e partive politike shqiptare, ata që kanë hequr disa politikanë me histori kriminale prej listave të kandidatëve. Sigurisht, ishin po këta kryetarë partish, që i vendosën ato emra në lista në fillim. Ka nevojë të bëhet më shumë, por institucionet shqiptare kanë bërë përparim të rëndësishëm. Jam i sigurt, që media, shoqëria civile vendase dhe partitë politike do ta japin këtë informacion në publik?, shprehet më tej ambasadori Lu.

Nuk do publikohet lista

Ambasadori amerikan ka pohuar se nuk do të publikojë lista me kandidatë të inkriminuar. ?Unë besoj, që votuesit kanë të drejtën të dinë mbi historitë kriminale të kandidatëve politikë. Por, siç thoni ju në shqip ?vetëm i zoti e nxjerr gomarin nga balta?. Duke përdorur informacion të disponueshëm publikisht, partitë politike, media dhe shoqëria civile duhet të hetojnë të shkuarën kriminale të kandidatëve dhe ta ndajnë këtë informacion me votuesit. Këtë nuk mund ta bëjnë të huajt për ta. Do të shtoja edhe, që detyra e vështirë e të larguarit të kriminelëve prej politikës është përgjegjësi e institucioneve demokratike të Shqipërisë, por ata nuk mund të mbështeten për ndihmë te Shtetet e Bashkuara?, tha Lu. Kryediplomati amerikan bëri thirrje për dekriminalizimin e politikës./sot