E fundit!

09:24 Kronika

Pjesë e grupeve kriminale/ Pritet ekstradimi i 6 personave të kapur në Dubai

Pritet të ekstradohen sot në Shqipëri 6 shtetasit e kapur ...

Korce/ Kandidati Gjergji Mero takim me tregetaret

16 Maj 2015, 06:32, Politikë CNA

Kandidati i Partisë Demokratike për Bashkinë e Korçës Gjergji Mero degjon dhe bisedon me tregtaret per problemet e Tregut te Fruta- Perimeve.
“Bashkia do të jetë partnere në zhvillimin e tregut të shumicës së fruta perimeve të Korcës dhe jo vjelëse arrogante e taksave dhe tatimeve , të cilat janë më të lartat në të gjithë Shqipërinë. Ky ishte mesazhi që dha sot kandidati demokrat z.Gjergji Mero në takimin me tregtarët e tregut të shumicës dhe pakicës së fruta perimeve. Si eksperti i cështjeve të agrobiznesit, profesor Mero tha se potenciali më i madh i Korcës, motori i zhvillimit të ekonomisë së qytetit është pikërisht ky treg që po falimenton nga dita në ditë.

50% e bizneseve të vogla e të mësme afro 2800 e tyre janë mbyllur për shkak të taksave të papërballueshme dhe forcës tejet të ulët blerëse të korcarëve për shkak të varfërisë së madhe, tha z. Mero. Sipas tij tregtarët nuk po mbështeten nga bashkia e cila vetëm favorizon klientët e pushtetit të vet dhe nuk realizon asnjë nga kushtet për infrastrukturën e zhvillimi formal të tregut, si ngritja e magazinave frigoriferike, që të shmangin prishjen e produkteve, ngritja e pikave të grumbullimit, masat kundër informalitetit, etj.

“Asnjë premtim të dhëna nga bashkiaku Filo dhe qeveria nuk është realizuar per Korcën. Ka vetëm rritje rrënuese të taksave dhe asnjë investim në infrastrukturën, mbrojtjen e produkteve, higjenës së mjedisit dhe rritjes së fuqisë blerëse te këtij tregu. Asnjë derë dhe asnjë nënpunës në bashki, nuk hapet për të dëgjuar hallet dhe problemet tuaja.

Ju i dorëzoni bashkisë dhjetra miliona lekë në vit në buxhetin e saj dhe nga ky institucion qe duhet të ishte shtëpia e qytetit, nuk siguroni asgjë. Bashkia investon vetëm në ndërtim fasadash dhe ndërtim kullash që nuk i shërbejnë komunitetit, qytetit dhe nxitjes së tregut për zhvillimin e ekonomisë lokale, tha zoti Mero.

Tregtarët i përcollën kandidatit, lidhjet e drejtperdrejta që klani i pushtetit bashkiak ka me interesat e tregut, pa investuar asgjë në mjediset e tregut, nga taksat tejet të larta që ata paguajnë. Na janë rritur fort taksat e ujit, energjia, karburanti, transporti, pastrimit. Nuk përballojmë dot këtë shtrëngatë taksash dhe nuk harrojmë dot të mbajmë as shtëpitë, u shprehën tregtarët të cilët ngritën dhe problemin e konkurrencës së pandershme dhe importeve klanore.
Në vitin 2013 tregu u gjobit 4 herë nga kontrollet në 2014, u gjobit 200 herë. Borxhet janë dyfishuar nga 2013 e këtej.
Ata shprehën besim se një etapë e re do nisë për zhvillimin e tregut dhe biznesin e prodhimeve bujqësore. Tek ty shohim njeriun e fjalës dhe korcarin që na dëgjon në cdo hall dhe problem, dhe po na respekton, u shprehën ndër të tjera tregtarët.

Unë do të jem korcari që do përcjell cdo fjalë dhe hall tuajin në këshillin bashkiak. Unë nuk jam perëndi që të mos takoj dhe dëgjoj njerëzit. Dera, zemra dhe mendja ime do të jenë gjithmonë të hapura u shpreh z. Mero.