E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Korçë/ Mero: Unë do të jem korçari që do të përcjell çdo fjalë dhe hall tuajin në këshillin bashkiak

15 Maj 2015, 11:12, Politikë CNA

Kandidati demokrat për bashkinë e Korçës, Gjergji Mero, në takimin me tregtarët e tregut të shumicës dhe pakicës së fruta- perimeve tha se Bashkia do të jetë partnere në zhvillimin e tregut të shumicës së fruta- perimeve të Korçës dhe jo vjelëse arrogante e taksave dhe tatimeve, të cilat janë më të lartat në të gjithë Shqipërinë. Mero u shpreh se, potenciali më i madh i Korçës, motori i zhvillimit të ekonomisë së qytetit, është pikërisht ky treg që po falimenton nga dita në ditë.

?Asnjë premtim i dhënë nga bashkiaku Filo dhe qeveria nuk është realizuar për Korçën. Ka vetëm rritje rrënuese të taksave dhe asnjë investim në infrastrukturë, mbrojtjen e produkteve, higjienës së mjedisit dhe ulje të fuqisë blerëse së këtij tregu. Asnjë derë dhe asnjë nëpunës në bashki, nuk hapet për të dëgjuar hallet dhe problemet tuaja. Ju i dorëzoni bashkisë dhjetra miliona lekë në vit në buxhetin e saj dhe nga ky institucion që duhet të ishte shtëpia e qytetit, nuk siguroni asgjë. Bashkia investon vetëm në ndërtim fasadash dhe ndërtim kullash që nuk i shërbejnë komunitetit, qytetit dhe nxitjes së tregut për zhvillimin e ekonomisë locale?, tha Mero.

Tregtarët u shprehen se në vitin 2013 tregu u gjobit 4 herë nga kontrollet në 2014 u gjobit 200 herë. Borxhet janë dyfishuar nga 2013 e këtej. Ata shprehën besim se një etapë e re do të nisë për zhvillimin e tregut dhe biznesin e prodhimeve bujqësore. Tek ty shohim njeriun e fjalës dhe korçarin që na dëgjon në çdo hall dhe problem, dhe po na respekton, u shprehën ndër të tjera tregtarët.

?Unë do të jem korçari që do të përcjell çdo fjalë dhe hall tuajin në këshillin bashkiak. Dera, zemra dhe mendja ime do të jenë gjithmonë të hapura?, u shpreh Mero.