Majlinda Bregu: Na sqaroni nëse shkollat e Gylen janë terroriste

15 Maj 2015, 07:17, Politikë CNA

Deputetja demokrate, Majlinda Bregu, ka kërkuar dje në Kuvend një sqarim nga qeveria, pas deklaratave të presidentit turk Erdogan, për ?Gylenistët? në Shqipëri.

Ajo tha se shumë njerëz kanë dërguar fëmijët në shkollat e Gylen dhe për këtë arsye duhet të informohen nëse janë apo jo terroriste.

?Ne nuk kemi nevojë të fshihemi sikur problemet nuk ekzistojnë, nuk mund të bëjmë sikur ka sekrete kaq të mëdha shtetërore kur bëhet fjalë për fëmijët tanë dhe kur vjen puna për mirëqenien e fëmijëve tanë.

Dhe ne s?kemi pse të mendojmë se po lëndojmë një mik apo lëndojmë një partner strategjik, sikurse qeveria në fillesat e saj e quajti vend mik Turqinë.

Nuk e di se sa partnerë strategjikë janë sot në listë.

Por besoj se do të ishte në nderin e gjithsecilit, ministrja e para në mungesë të Kryeministrit që nuk është sot, duhet ta kishte bërë këtë sqarim.

Unë e para, ju të tjerët dhe qytetarët nuk i kemi çuar fëmijët në shkolla terroriste, i kemi çuar fëmijët në shkolla për t?i arsimuar dhe në rast se ka një rrezik real, do të doja ta dëgjoja këtë sot nga ju sepse është shumë e rëndësime për të qenë ne prindërit të parët të qetë.

Jo sepse do të ishte e vështirë për t?i ndërruar shkollën fëmijës, por sepse është patolerueshme që ne të jetojmë dhe t?u japim fëmijëve këtë lloj fryme se arsimi i cili kanë marrë dhe ambienti në të cilin jetojmë, është një ambient në rrezik.

Për ta shmangur këtë rrezik, qoftë të pabazë, qoftë dhe pa asnjë nevojë për ta amplifikuar dhe është mirë që ta diskutojmë dhe të mos ndodhë si me armët kimike kur mbasi mahiset çështja, atëherë marrim vesh që ka pasur disa çështje të tjera dhe vetëm pas një revolte dhe paniku që kapi qytetarët, ne sqarohemi nga foltorja e Kryeministrisë?, tha Bregu./Dita