E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

OSBE-ODHIR nis raportimin e zgjedhjeve/ Glover: Do përqendrohemi tek blerja e votës

15 Maj 2015, 11:48, Aktualitet CNA

Shefja e misionit të vëzhguesve të OSBE-ODIHR për zgjedhjet e 21 qersorit, Audry Glover, deklaroi sot në një konferencë për shtyp se roli i vëzhguesve të OSBE-ODIHR është vëzhgimi dhe raportimi i procesit, jo ndërhyrja në procesin zgjedhor. Ajo tha se do të monitorohet si pikë me rëndësi presioni ndaj votuesve dhe blerja e votës.

“Pikat ku ne do të përqendrohemi janë: zbatimi i legjislacionit, përfaqësimi i kandidateve femra, prezantimi në fushatë, presionet ndaj zgjedhëzve për blerjen e votës si dhe pasqyrimi në media.

Është e rëndësishme, nënvizoi Glover, ?që të mbahet mend se zgjedhjet nuk janë një ngjarje që zgjat vetëm një ditë, por ajo që ndodh para dhe pas zgjedhjeve është po aq e rëndësishme sa ajo që ndodh gjatë ditës së zgjedhjeve?.

?Në Shqipëri erdhi paraprakisht një mision i OSBE-ODIHR dhe ai vlerësoi nevojat e vendit nëse kishte nevojë për vëzhgues të OSBE-ODIHR dhe misioni rekomandoi që duhet të kishte nevojë për monitorim të zgedhjeve dhe se duhet të kishte një ekip qëndror dhe vëëzhgues afatgjatë dhe afatshkurtër?, tha Glover.

Këto, vijoi Glover, ?janë zgjedhjet e 12-ta që OSBE ?ODIHR vëzhgon në Shqipëri nga 1996. Ne kemi pasur marrëdhënie të mira me të gjithë aktorët politikë, kemi patur takim ne Minstrinë e Jashtme dhe Policinë Shqiptare. Do të ketë një ekip qëndror që ka arritur në Tiranë dhe ky ekip përbëhet nga 13 ekspertë?.

Sipas saj, ?është e rëndësishme të kuptojmë që roli ynë është vëzhgimi dhe raportimi i procesit, jo ndërhyrja. Ne nuk jemi politikanë, jemi profesionistë të zgjedhjeve. Roli ynë është zbatimi i kritereve dhe interesi ynë është që rezultatet të bëhen publike në mënyrë transparente?. Lidhur me çështjen e dekriminalizimit, Glover u shpreh se, ?ne sapo kemi mbërritur dhe nuk mund të japim komente lidhur me këtë çështje, por sigurisht ne do të vëzhgojmë shumë apekte të zgjedhjeve dhe do të bëjmë vlerësimin tonë dhe do të raportojmë për këtë çështje?.