web counter
LEXO PA REKLAMA!

SHKARKO APP

App Store
Google Play

Sondazhet e PS/ Veliaj vetëm 36%

14 Maj 2015, 17:55, Aktualitet CNA

Nga sondazhet e kryera nga Partia Socialiste, në një situatë zgjedhore pas shpalljes së kandidatit të Bashkisë së Tiranës, Erion Veliaj, rezulton se ky i fundit është braktisur nga strukturat e PS dhe rezulton se është një kandidat që nuk pranohet nga baza e Partisë Socialiste, pavarësisht përpjekjeve dhe mbështetjes së Kryeministrit Edi Rama.

Në një sondazh të kryer nga një kompani italiane, e cila është një kompani me eksperiencë që nga viti 2003 dhe që ka kryer sondazhe edhe në vitin 2013 për Partinë Socialiste, janë përdorur kompani të Call Center për të realizuar telefonatat. Përveç kësaj është edhe një kompani tjetër italiane e angazhuar për sondazhe nga Lëvizja Socialiste për Integrim.

Diferenca mes dy sondazheve është vetëm 1.8%. Ashtu sic theksuam edhe më lartë, këto dy kompani, pasi përgatitën pyetsorë dhe kanë mbledhur të dhënat, përpunimin e tyre e ka bërë nje tjeter kompani. Gjithashtu, Partia Socialiste ka kontaktuar edhe kompaninë ESOMAR, e cila nuk ka pranuar që  të bëjë vetëm përpunimin e të dhënave por te gjithë procesin .

Rezulatet e sondazhit

Burime nga PS thanë për Cityfm.al se sipas sondazhit të kryer nga kompanitë e kontaktuara nga kompanitë e Partisë Socialiste, rezulton se Aleanca për Shqipërinë Europiane dhe aleatët kryesojnë me 57% të votave nga personat e sonduar. Por, kandidati Erion Veliaj ka vetëm 36.3% të votave. Nga votat e koalicionit, 21.2% i ka LSI, ndërsa PS ka 32.6%. Pra dy partitë e mëdha të koalicionit kanë 53.8% të votave dhe 3.2% i kanë PDIU, FRD dhe PDS e Paskal Milos. Sipas këtij sondazhi të PS, kandidati socialist Erion Veliaj duket qartazi se merr dicka më shumë por nuk arrin të mbledhë rreth tij votat e LSI-së dhe të aleatëve të tjerë të koalicionit qeverisës.

Sirenat e alarmit janë ndezur në selinë e PS-së pas këtij sondazhi, çka ka bërë që kryeministri Rama, kreu i LSI, Ilir Meta dhe Gramoz Ruçi tu kërkojnë ministrave, deputetëve dhe drejtorëve socialist të angazhohen në fushatë. Në mënyrë ultimative ata duhet të paraqiten në zyrat elektorale të kandidatit Veliaj, sipas njësive të përcaktuara.





Lajmet e fundit nga