Blushi në parlament: Ne nuk jemi koloni e Erdogan

14 Maj 2015, 12:09, Aktualitet CNA

Deputeti socialist Ben Blushi foli në parlament për situatën në Maqedoni dhe vizitën e presidentit turk, Erdogan në Tiranë. ?Maqedonia nuk është një shtet demokratik, shqiptarët atje jetojnë në krizë përafqësimi?, theksoi Blushi, duke theksuar se shqiptarët atje nuk i besojnë partitë e tyre. ?Ajo që mund të bëjmë si shtet është të mbështesim, ata që nuk mbështesin aktet jodemokratike. Blushi kërkoi që të zgjidhet ngërçi që mban pezull caktimin e ambasadorit shqiptar në Maqedoni.
Sa i takon Erdogan, Blushi tha se presidenti turk na vendosi në një pozicion të ëështirë e të papranueshme vasaliteti kur kërkoi që në këmbim të ndihmës për Xhaminë, ne të mbyllim shkolla që sipas tij, i ka një organizatë terroriste. ?Kur dikush vjen dhe kërkon të mbyllë disa shkolla që sipas tij i financon kundërshtari politik, kjo nuk mund të kërkohet?, theksoi Blushi.
?M?u duk dje sikur në këmbim të kësaj dhurate Presidenti turk kërkoi një shkëmbim, e dhurata nuk shkëmbehet. Ai kërkoi mbylljen e një organizate terroriste që sipas tij vepron në Shqipëri dhe Turqi dhe na kërkoi ta zhdukim. Kjo na vë në pozitën e vështirë dhe të papranueshme të një vasaliteti dhe jam i bindur se shumë deputetë këtu nuk mund ta pranojnë. Shqipëria pranon organizata terroriste ato që janë të shpallura ndërkombëtarisht dhe jo ato që refuzohen nga kushdo President apo Kryeministër, ndaj duhet ta refuzojmë. Ne nuk jemi koloni turke. Me sa di kërkesa e Presidentit turk është për të mbyllur disa shkolla në Tiranë, që kur u hapën ishin krenaria e arsimit turk dhe me sa jam informuar kanë ndihmuar qindra e mijëra shqipatrë të merrnin arsimin e duhur?, u shpreh Blushi.
Në këtë linjë ai shtoi se ka shumë arsye për të mbyllur shkollat, që nga taksa, për mos respektimin e parimit të laicitetit, por nënvizoi se që dikush vjen dhe në këmbim të një dhurate të kërkojë të mbyllen disa shkolla se i ka financuar kundërshtari i tij politik, kjo nuk mund të pranohet.
Blushi tha se nuk e mbron Erdogan dhe as kundërshtarini e tij, por deklaroi se ajo që ka interes është liria e vendit për të vendosur.