web counter
LEXO PA REKLAMA!

SHKARKO APP

App Store
Google Play

E fundit!

x

Edi Rama frikë nga rrjedhja e votave, kërkon përjashtimin e Gjinushit nga zgjedhjet, demokratët sherr në KQZ

15 Maj 2015, 06:58, Aktualitet CNA

Skënder Gjinushi është kthyer në makth për Partinë Socialiste dhe koalicionin që drejton. Hendeku mes kreut të socialdemokratëve dhe shumicës në pushtet është thelluar.   Pavarësisht përpjekjeve dhe investimit personal të kryeministrit Edi Rama, Skënder Gjinushi nuk pranoi të bëhej pjesë e koalicionit të pushtetit, për shkak të shkeljes së marrëveshjes politike nga ana e PS si dhe me argumentin se Rama po ndan pushtetin me ata që i kishte kundërshtarë në zgjedhjet e 2013. Në këto kushte, Gjinushi vendosi të marrë pjesë i vetëm në zgjedhje, duke mbledhur rreth vetes faktorë dhe personazhe të së majtës, të cilët ishin të pakënaqur.

Gazeta SOT publikoi listën me kandidatët për këshilltarë të Gjinushit për shumicën e bashkive kryesore në vend, ndërsa ka propozuar kandidatë për disa nga njësitë vendore.   Ndërkaq, pasi nuk e bindi dot që të futej në koalicion, kryeministri Edi Rama ka nisur një lëvizje për përjashtimin e disa kandidatëve të Skënder Gjinushit nga zgjedhjet e 21 Qershorit, me qëllim shmangien e rrjedhjes së votave të majta në drejtim të PSD. Pas refuzimit për t?i regjistruar në KQZ listën me këshilltarët për Bashkinë e Durrësit, përfaqësuesit ligjorë të Partisë Socialiste dhe LSI në Komisionin Qendror të Zgjedhjeve kanë kërkuar dje përjashtimin e disa kandidatëve të Gjinushit për kryetarë bashkish. Konkretisht, PS dhe LSI kanë kërkuar përjashtimin e kandidatëve të Gjinushit për Bashkinë Malësisë së Madhe si dhe për Bashkinë Përrenjas. Këto kërkesa janë kundërshtuar fort nga përfaqësuesit e Partisë Demokratike në Komisionin Qendror të Zgjedhjeve, me argumentin se vendimet e KZAZ për regjistrimin e kandidatëve janë të ligjshme. Partia Demokratike ka interes që kandidatët e PSD të mos përjashtohen, pasi futja e tyre në garë pritet të përçajë votat e PS.

Debatet në KQZ 

Përfaqësuesi ligjor i Partisë Socialiste, Genc Gjonçaj, i cili përfaqësonte palën ankimuese, kërkoi çregjistrimin e kandidatit të Partisë Social Demokrate, Artur Topi si kandidat për Bashkinë e Përrenjasit. Gjonçaj u shpreh se kandidati i PSD, Artur Topi, ka mashtruar zgjedhësit e Përrenjasit duke kërkuar firmën e tyre si kandidat i Partisë Socialiste. Gjonçaj i quajti regjistrimet e kandidatëve të Partisë Social Demokrate, si një proces i korruptuar dhe të deformon vullnetin e zgjedhësve të Përrenjasit dhe të disa bashkive të tjera. ?Kërkojmë nga KQZ çregjistrimin e kandidatit për kryetar Bashkie të Përrenjasit, Artur Topi?, tha Gjonçaj. pretendimet e  Partisë Socialiste i mbështeti edhe përfaqësuesi ligjor i Lëvizjes Socialiste për Integrim, i cili kërkoi ashtu si Gjonçaj, çregjistrimin e kandidatëve të PSD së Përrenjasit dhe të Përmetit. Ndërkaq, Partia Demokratike me anë të përfaqësuesit të saj doli në krah të Partisë Social Demokrate duke i cilësuar pretendimet e Partisë Socialiste si të paligjshme.

Vendimi

Në fund të diskutimeve, kryetarja e KQZ, Lefterie Lleshi, mori vendimin për të mbështetur pretendimet e Partisë Socialiste. ?Qëndrimin tim do e paraqes mbi bazën e fakteve dhe provave. Dokumentet t?i dërgojmë për ekspertim. Kur flitet për nënshkrime të falsifikuara ne nuk mund të mbyllim as sytë e as veshët. Ne do të kërkojmë një akt ekspertimi të këtyre firmave dhe më pas do të marrim vendimin nëse kandidati në fjalë, Artur Topi do të çregjistrohet apo jo. Sot nuk mund të japim një vendim përfundimtar. Do të presim rezultatin e verifikimit të provave?, tha kryetarja e KQZ, Lefterie Lleshi. Partia Socialiste po ashtu kërkoi çregjistrimin e kandidatëve të Partisë Social Demokrate me kryetar Skendër Gjinushi edhe për Bashkinë e Përmetit për dokumentacion të parregullt, Gëzim Ibrahimi, për kandidatin për kryetar Bashkie të Kukësit, Malësisë së Madhe dhe të Bashkisë së Rrogozhinës./Sot





Lajmet e fundit nga