web counter
LEXO PA REKLAMA!

SHKARKO APP

App Store
Google Play

E fundit!

x

Plas skandali në Ministrinë e Arsimit, kallëzohet në Prokurori sekretari i përgjithshëm Plarent Ndreca, dëmi ekonomik 780 milionë lekë

15 Maj 2015, 06:21, Aktualitet CNA

Një kallëzim penal, në ngarkim të Sekretarit të Përgjithshëm të Ministrisë së Arsimit, Plarent Ndreca, qëndron në tavolinën e kryeprokurorit të Tiranës, Petrit Fusha, që nga data 27 mars të vitit 2015.   Kontrolli i Lartë i Shtetit ka depozituar një kallëzim penal në Prokurorinë e Tiranës, në ngarkim të Plarent Ndrecës, për abuzime me tenderin për ndërtimin e Parkut Olimpik. Gjithçka është mbajtur e fshehtë deri më tani në Prokurori. Por, gazeta ?SOT? ka mësuar se kallëzimi penal është bërë që në fund të muajit mars, pas kontrollit të procedurave të zhvillimit të tenderit, ku është paracaktuar fituesi si dhe është rritur në mënyrë të dyshimtë dhe të pajustifikuar vlera fillestare e projektit.

Kallëzimi penal është konfirmuar edhe nga Kontrolli i Lartë i Shtetit, ndërsa janë evidentuar edhe shkeljet e Sekretarit të Përgjithshëm.   ?Për shkak të problematikave të konstatuara lidhur me shkeljet në procedurën e prokurimit Tirana Olimpik Park, që në këtë fazë të auditimit, nga ana e KLSH është bërë kallëzim penal për z. Plarent Ndreca, në detyrë Sekretar i Përgjithshëm i Ministrisë, në cilësinë e kryetarit të Komisionit të Vlerësimit të Ofertave (KVO), i cili me veprimet dhe mosveprimet e tij ka shkaktuar një dëm ekonomik për buxhetin e shtetit në vlerën prej 78 milionë lekë?, konfirmon KLSH.

Kontrolli i Lartë i Shtetit deklaron se Ndreca, me veprimet dhe mosveprimet e tij, ka diktuar fituesin e tenderit. ?Shkeljet e konstatuara flasin për përfshirjen e z. Ndreca në cilësinë e Sekretarit të Përgjithshëm në këtë çështje, që nga momenti i ndryshimit të vlerës fillestare të projektit të vitit 2012, deri te paracaktimi i subjektit fitues të tenderit të EUROCOL, me një ofertë rreth 78 milionë lekë më të lartë se ajo e subjektit tjetër ekonomik që duhet të fitonte dhe që padrejtësisht është skualifikuar, çka nuk ka qenë aspak e vështirë për Sekretarin e Përgjithshëm, i cili në këtë procedurë prokurimi kishte vendosur të ishte vetë në cilësinë e kryetarit të KVO?, thekson KLSH.

Kallëzimi penal është depozituar në Prokurorinë e Tiranës në datën 27 mars. ?Ky kallëzim penal është depozituar në Prokurorinë e Rrethit Gjyqësor, Tiranë, me shkresën nr. 1217/6, datë 27.03.2015, së bashku me provat dhe çdo material tjetër të administruar gjatë auditimit në lidhje me këtë shkelje. Nga ana jonë, rezultatet e këtij auditimi do të bëhen publike në fund të muajit Maj, kur të nxjerrim vendimin përkatës dhe të përcjellim rekomandimet tonë në Ministrinë e Arsimit dhe Sportit?, konfirmon KLSH./Sot





Lajmet e fundit nga