web counter
LEXO PA REKLAMA!

SHKARKO APP

App Store
Google Play

Maqedoni/Këshilli i Sigurisë dënon ngjarjet në Kumanovë

11 Maj 2015, 08:31, Kosova & Bota CNA

Këshilli i Sigurisë (KS) i Maqedonisë ka dënuar fuqishëm prishjen e rendit dhe sigurisë nga ana e siç thuhet të disa grupeve dhe individëve, qëllimi i të cilëve ishte destabilizimi i Maqedonisë.
Presidenti Ivanov ka lexuar deklaratën e përbashkët që është miratuar nga anëtarët e Këshillit, por edhe përfaqësuesit e tri partive LSDM, BDI dhe PDSH.
Deklaratën e lexoi vetë kreu i shtetit, presidenti Gjorge Ivanov, edhe pse përfundimet e takimit, sic tha ai, do të jepen më vonë. Ivanov tha se për grupin e armatosur kishte njoftuar më herët edhe shërbimet në rajon dhe Evropë por se shkëmbimi i informatave nuk dha rezultate. Ivanov, tha se nuk do të lejojë përshkallëzimin e tensioneve dhe prishjen e marrëdhënieve ndëretnike. Sipas tij, kjo i kushtoi shumë vendit, andaj duhet të ketë edhe përgjegjësi për të.
Ai theksoi se për këtë grup, në fillim të vitit 2015, me anë të letrave janë komunikuar 17 shërbime partnere në Bashkimin Evropian dhe NATO si dhe vendet në regjion.
Presidenti kërkoi nga liderët partiakë që t?i rikthehen dialogut politik dhe të kërkojnë zgjidhje për krizën. Në mbledhjen e Këshillit të Sigurisë Kombëtare për herë të parë ishin ftuar të merrnin pjesë edhe liderët e partive më të mëdha politike. Partitë shqiptare BDI e PDSH u përfaqësuan nga deputetët Talat Xhaferi dhe Imer Aliu ndërsa nga LSDM mori pjesë vetë lideri i saj Zoran Zaev. Mbledhja filloi me një minutë heshtje në nder të policëve të vrarë në përleshjet në Kumanovë.
INA





Lajmet e fundit nga